Cristina Saavedra
| Biografía | |
|---|---|
| Nacemento | (es) Cristina Saavedra Pita  13 de novembro de 1975 (48 anos)A Coruña, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | xornalista , presentadora de televisión |
| Lingua | Lingua castelá |
| Familia | |
| Parella | Manu Carreño (2003–) |
  | |
Cristina Saavedra Pita, nada na Coruña o 13 de novembro de 1975, é unha xornalista galega.
Traxectoria[editar | editar a fonte]
Licenciada en Xornalismo pola Universidade de Santiago de Compostela, iniciou a súa traxectoria profesional como reporteira na Televisión de Galicia (TVG) onde posteriormente foi presentadora de informativos durante catro anos.
No ano 2000 pasou a Antena 3, onde presentou o programa do corazón Ahora, un espazo que comezou sendo diario (de luns a venres) e que nun principio co-presentaba xunto co tamén xornalista galego Liborio García. Finalmente pasou a facerse cargo do programa en solitario e a periodicidade deste pasou a ser semanal, os sábados. Ahora estivo en emisión en Antena 3 durante case seis anos, desde 2000 ata o verán de 2006, emitíndose máis de cincocentos programas.
Pouco despois de que finalizara Ahora, Saavedra fichou por laSexta, onde volveu ó xénero do informativo. Desde setembro de 2006, é correspondente e reporteira de La Sexta Noticias; máis tarde pasou a ser a presentadora principal.[1]
Vida persoal[editar | editar a fonte]
Tivo dúas irmáns, que faleceron de novas.[1] A súa parella é o tamén presentador, neste caso deportivo, Manu Carreño, co que iniciou relación a mediados da década de 2000.
Notas[editar | editar a fonte]
- ↑ 1,0 1,1 Bastos, Martín (2023-11-19). "Cristina Saavedra: «La vida nos robó mucho, pero me lo dejó a él para mantenerme en pie»". La Voz de Galicia (en castelán). Consultado o 2023-11-19.
