Creep (Radiohead)

Na Galipedia, a Wikipedia en galego.
"Creep"
sinxelo de Radiohead
do álbum 'Pablo Honey'
Lanzamento setembro de 1992
Formato {{{formato}}}
Gravada 1992
Xénero musical rock alternativo
Duración 3:59
Discográfica Parlophone, EMI
Produtor(es) Sean Slade e Paul Q. Kolderie
Escritor(es) Thom Yorke, Albert Hammond e Mike Hazlewood
Cronoloxía
- "Creep" "Anyone Can Play Guitar"
Miscelanea {{{miscelanea}}}

"Creep" é unha canción da banda inglesa de rock alternativo Radiohead, editada como o seu sinxelo de estrea en setembro de 1992. Posteriormente apareceu no seu primeiro álbum Pablo Honey. "Creep" é un dos temas máis coñecidos da banda, e ten sido usado en varios medios ademais de ser versionada por un feixe de artistas.

Durante a súa edición inicial "Creep" non foi un éxito nas listas. Porén, coa súa reedición en 1993 converteuse nun éxito en todo o mundo. Os asistentes aos primeiros concertos de Radiohead adoitaban a amosar pouco interese polos outros temas do grupo, causando que a banda reaccionase en contra de "Creep" e a tocasen con menos frecuencia de mediados a finais dos 90. En 1998, na metade da súa xira do OK Computer, a banda eliminou a canción de todos os seus setlists. "Creep" non foi tocada ao vivo novamente ata o ano 2001, e dende entón reapareceu varias veces nos seus concertos.

Antecedentes e gravación[editar | editar a fonte]

Segundo o baixista da banda Colin Greenwood, Thom Yorke compuxo "Creep" metres estudaba na Universidade de Exeter a finais dos anos 80[1]. O guitarrista Jonny Greenwood dixo que estaba inspirada nunha rapaza á que Yorke seguira e que se presentou un día de forma inesperada nun concerto a banda.

En 1992, durante as sesións de ensaio cos produtores Sean Slade e Paul Q. Kolderie, Radiohead espontaneamente tocou "Creep". Yorke describíulles "Creep" aos produtores como "a nosa canción Scott Walker"; Slade e Kolderie, confundidos pola observación do cantante, pensaron que era unha versión. Despois da tensión xurdida debido aos intentos infructuosos de gravar outros temas, Slade e Kolderie procuraron subir a moral pedíndolle á banda que tocase "Creep" novamente. Readiohead gravou a canción nunha única toma; despois da intepretación todo o mundo na sala comezou a aplaudir. Unha vez que o grupo lle asegurou a Kolderie que "Creep" era un tema orixinal, chamou a EMI para propoñerlle a canción como o seguinte sinxelo de Radiohead[2]. Á canción graváronselle uns overdubs mínimos pero a banda non tiña intención de editala, aínda que os produtores quedaron impresionados con ela. Debido ás semellanzas con "The Air That I Breathe", unha canción gravada por The Hollies en 1973, Albert Hammond e Mike Hazlewood están acreditados como co-compositores de "Creep"[3].

Listaxe de cancións[editar | editar a fonte]

Edición orixinal británica
  1. "Creep" – 3:55
  2. "Lurgee" – 3:07
  3. "Inside My Head" – 3:12
  4. "Million Dollar Question" – 3:18
Casete
  1. "Creep" – 3:56
  2. "Faithless, the Wonder Boy"
Re-edición británica de 1993 (CD)
  1. "Creep" (album version) – 3:58
  2. "Yes I Am" – 4:25
  3. "Blow Out" (remix) -
  4. "Inside My Head" (live) – 3:07
Re-edición británica de 1993 (vinilo de 12")
  1. "Creep" (acoustic) – 4:19
  2. "You" (live) - 3:39
  3. "Vegetable" (live) - 3:07
  4. "Killer Cars" (live in Japan) - 2:17

Notas[editar | editar a fonte]