Cova do Cavallone

Grotta del Cavallone Cova do Cavallone
País:	Italia
Rexión:	Abruzos
Provincia:	Chieti
Concello:	Lama dei Peligni
Localidade:	n/d
Coordenadas:	42°01′00″N 14°10′00″L
Fuso horario:	CET, UTC+1
Tipo de cova:	n/d
Lonxitude:	n/d
Altitude:	n/d
Profundidade:	n/d
Sitio web	www.grottedelcavallone.it

A cova do Cavallone (en italiano Grotta del Cavallone ou Grotta della Figlia di Jorio) é unha cavidade subterránea italiana situada nas proximidades de Lama dei Peligni, na provincia de Chieti, rexión dos Abruzos. Aberta nos meses de verán cunha cota de admisión, a súa primeira exploración data de 1704.

Situación

A caverna atópase nas montañas do Parque Nacional da Majella e accédese a ela a través dun teleférico, que salva unha altura duns 550 metros. A base do teleférico está en Taranta Peligna, no quilómetro 27 da estrada S.P. 84.

Descrición

A cova é de 10-20 metros de ancho e case a mesma altura todo o tempo, con numerosas espeleotemas incluíndo estalagmitas, travertinos e piscinas de gours. Conta con iluminación eléctrica, con carreiros, pasos moi concretos e pontes de ferro.

Historia

Os primeiros datos de exploración e documentación da cova son de 1704, a cargo de Jacinto De Simeonibus. Foi utilizada como refuxio durante a segunda guerra mundial, no período comprendido entre decembro de 1943 e febreiro de 1944 (aínda hoxe poden verse as firmas dos refuxiados dentro da cavidade). Foi novamente explorada nos anos 1950.

Ligazóns externas

• Grotta del Cavallone, na páxina do Concello (en italiano)
• Grotta del Cavallone, páxina oficial (en italiano)
• Grotta del Cavallone, en Abruzzoverdeblu.it Arquivado 04 de xaneiro de 2010 en Wayback Machine. (en italiano)