Cousas da vida
O nome xenérico de Cousas da vida designa a obra de Castelao consistente nos debuxos que publicou a partir de 1924 nas portadas de Galicia. Diario de Vigo e, a partir de 1925, en Faro de Vigo.
Cada debuxo ía acompañado dun breve texto a rodapé. Nuns casos era un comentario ou pensamento do autor ou do protagonista do debuxo, noutros un breve diálogo entre as figuras representadas.
Castelao comezou a publicar estes debuxos na portada do diario vigués Galicia, entre 1924 e 1925, período no que chegaron a editarse máis de seiscentos debuxos. En 1925 pechou o periódico e Castelao seguiu publicándoas, mantendo a mesma liña e estrutura, no Faro de Vigo.
Superada a censura franquista, a editorial Galaxia publicou unha escolma destes debuxos reunidos en seis libros temáticos baixo o mesmo título. En 1961 publicou o tomo I, en 1962 o tomo II, e en 1971 os tomos III, IV, V e VI.
Véxase tamén[editar | editar a fonte]
Bibliografía[editar | editar a fonte]
- Carballo-Calero, M. V.; Bozal; Vilas (2017). Monografía sobre Castelao artista (PDF). Anexo Abrente (en galego e castelán) (Deputación da Coruña e RAGBA). ISBN 978-84-9812-304-3.
- Otero Pedrayo, R. (marzo de 1975). "Cousas da vida". Grial. Revista galega de cultura (47): 133–134.
- Monteagudo, Henrique (Coordinador): Obras [Castelao], Galaxia, Vigo 2000.
Outros artigos[editar | editar a fonte]
Ligazóns externas[editar | editar a fonte]
- Cousas da vida Arquivado 26 de marzo de 2014 en Wayback Machine.