Costa do Marfil

République de Côte d'Ivoire República de Costa do Marfil

Bandeira Escudo

Lema: Union - Discipline - Travail (francés: «Unidade, Disciplina e Traballo») Himno nacional: L'Abidjanaise     Capital  • Poboación Yamoussoukro 200.103 (2006) Cidade máis poboada Abidjan Linguas oficiais Francés Forma de goberno República Presidente Primeiro Ministro Alassane Ouattara Daniel Kablan Duncan Independencia  • Data De Francia 7 de agosto de 1960 Superficie  • Total  • % auga Fronteiras Costas Posto 68º 322.460 km² 1,4% 3.110 km km 515 km km Poboación  • Total  • Densidade Posto 52º 17.298.040 (2005 est.) 54 hab./km² PIB (nominal)  • Total  • PIB per cápita n/d n/d PIB (PPA)  • Total (2005)  • PIB per cápita Posto 98º US$ 28.460 millóns US$ 1.475 IDH (2007) 0,432 (166º) – Baixo Moeda Franco CFA (XOF) Xentilicio Marfilés/esa Fuso horario  • en verán GMT non aplica Dominio de Internet .ci Prefixo telefónico +225 Prefixo radiofónico TUA-TUZ Código ISO 384 / CIV / CI Membro de: ONU, UA Tódolos países do mundo

A Costa do Marfil é un país africano, limitado ao norte polo Malí e por Burkina Faso, ao leste polo Gana, a sur polo Océano Atlántico e a oeste pola Liberia e pola Guinea. Capital: Yamousoukro.

Historia

Pouco se coñece da historia da Costa do Marfil antes da chegada dos portugueses na década de 1460. Os principais pobos da rexión eran os Kru, orixinarios de Liberia e os Senoufo e os Lobi, orixinarios de Burkina Faso e Malí. Nos séculos XVIII e XIX ocorreu unha migración de pobos de etnía Akan, que migraron de Ghana, e os Malinké, da actual Guinea.

A Francia interesouse pola rexión na década de 1840, e estableceu contatos con xefes locais para ter o monopolio de comercio na área. A Costa do Marfil foi colonia francesa ata o 1960 en que obtivo a independencia.

Entre 2002 e 2004 o país viviu unha Guerra civil: O norte rebelouse. 10.000 cascos azuis da ONUCN (Forza de Paz da ONU na Costa do Marfil), entre eles 4600 soldados franceses, foron posicionadas entre os belixerantes.

O seu presidente-fundador foi Félix Houpbouët-Boigny ata 1993. Os seus sucesores foron, por orde :

• Henri Konan Bédié, que caiu do poder baixo un golde de Estado no nadal do 1999.
• Robert Guéï, que foi asasinado logo dun golpe encabezado polo Movemento Patriótico da Costa do Marfil en 2002.
• Laurent Gbagbo

Organización político-administrativa

Artigo principal: Subdivisións de Costa do Marfil.

Costa do Marfil está dividida en 19 rexións (régions) e 80 departamentos (départements). As 19 rexións son as seguintes:

1. Agnéby
2. Bafing
3. Bas-Sassandra
4. Denguélé
5. Dix-Huit Montagnes
6. Fromager
7. Haut-Sassandra
8. Lacs
9. Lagunes
10. Marahoué
11. Moyen-Cavally
12. Moyen-Comoé
13. N'zi-Comoé
14. Savanes
15. Sud-Bandama
16. Sud-Comoé
17. Vallée du Bandama
18. Worodougou
19. Zanzan

Xeografía

Artigo principal: Xeografía de Costa do Marfil.

Imaxe satelital de Costa do Marfil, xerado desde un gráfico rasterizado provisto por The Map Library.

Mapa de Costa do Marfil

Costa do Marfil ofrece unha gama variada de paisaxes, desde a sabana desértica ao norte ata a selva virxe. O límite sur márcano extensas praias. Esta zona, máis chuviosa, caracterízase polas grandes plantacións de produtos de exportación: café, cacao e banana. No norte a paisaxe vese conformado por unha meseta granítica recuberta de sabanas. Nesta área pequenos propietarios cultivan sorgo, millo e maní.

Economía

Artigo principal: Economía de Costa do Marfil.

Mantendo lazos próximos con Francia desde a independencia en 1960, a diversificación da agricultura para a exportación, e o estímulo dos investimentos estranxeiros, fixo de Costa do Marfil un dos países tropicais africanos máis prósperos. No entanto, en anos recentes Costa do Marfil viuse suxeita a máis competencia e o descenso dos prezos no mercado global dos seus cultivos agrícolas principais: café e cacao. Isto, xunto cunha alta corrupción interna, fai a vida difícil para os cultivadores e eses que exportan a mercados estranxeiros.

Demografía

No ano 2007, Costa do Marfil ten unha poboación de 18.000.000 habitantes. A esperanza de vida é de 49 anos. A media de fillos por muller é de 4.43. O 50.9% da poboación esta alfabetizada. Calcúlase que o 7.0% da poboación esta infectada co virus de VIH (SIDA). Desde que se estabeleceu como unha das nacións mais prósperas economicamente de África occidental que cerca de 20 % da súa poboación consiste en traballadores das viciñas Liberia, Burkina Faso e Guinea. Este feito ten orixinado permanentemente unha tensión crecente en anos recentes, principalmente debido ao feito de que grande parte destes traballadores son musulmáns, encanto que a poboación natural da Costa do Marfil é, esencialmente cristián (principalmente católica romana) e animista.A principal etnia é o pobo Baulé, con presenza na maior parte das zonas centrais.

O 4% da poboación é de orixe non africana. Hai moitos cidadáns franceses, britanicos, e españois. Hai aínda unha minoria de misioneiros protestantes norteamericanos e canadianos.

Ultimamente, cerca de 50.000 franceses e outros europeos saíron da Costa do Marfil debido a fortes tensións políticas.

Cultura

Feriados

Data	Nome en galego	Nome local	Observacións