Coruña imposible
Coruña imposible | |
---|---|
Ficha técnica | |
Título orixinal | Coruña imposible |
Director | Paco Rañal |
Produtor | Amalia Mato, Cheche Carmona |
Guión | Paco Rañal |
Intérpretes | Roberto Sánchez 'Luna', Manuel Ramallal, Vicente Montoto, Xosé M. Baño, Isabel Vázquez, Fely Manzano, Isabel del Toro |
Música | Claudio Canedo |
Fotografía | Sergio Franco |
Estrea | 1995 |
Duración | 12 minutos |
Orixe | Galicia |
Coruña imposible é unha curtametraxe galega escrita e dirixida por Paco Rañal no ano 1995. Producida pola Escola de Imaxe e Son da Coruña, é unha produción rodada na cidade da Coruña de 12 minutos de duración, rodada en branco e negro.
O curioso argumento está protagonizado por un home que esperta na praza de María Pita da Coruña practicamente espido, levando postos unicamente unhas zapatillas e un calzón. Atordado e avergoñado, intenta atopar algunha peza de roupa coa que cubrirse e regresar canto antes á casa, pero ese obxectivo non lle resultará tan doado como parecía.
Elenco[editar | editar a fonte]
- Roberto Sánchez 'Luna' - Delineante
- Manuel Ramallal - Dependente de boutique
- Vicente Montoto - Taxista
- Xosé M. Baño - Encargado dos almacéns
- Isabel Vázquez - Dependenta dos almacéns
- Fely Manzano - Señora portal (como Feli Manzano)
- Isabel del Toro
Equipo técnico[editar | editar a fonte]
- Dirección e guión: Paco Rañal
- Xefatura de produción: Amalia Mato, Cheche Carmona
- Maquillaxe e peiteado: Raquel Fidalgo, Ana Muíños
- Dirección de fotografía: Sergio Franco
- Música e son: Claudio Canedo
- Operador de cámara: Francisco Cuesta
- Axudante de dirección: Marco Iglesias, Carlos Davila
Premios[editar | editar a fonte]
- Bronze World Medal, categoría curtametraxe fantástica (The New York Festivals´96).
- Honorable Mention (New York EXPO Short film and Video, 1998).
- Mellor Fotografía, Mellor Montaxe, Mellor Interpretación Masculina (ex-aequo) e Mellor Curtametraxe nos Premios AGAPI 1995-96.
- Primeiro Premio categoría Cine no I Certame de Cine e Vídeo Xove de Irún (1996).
- Mención Especial do Xurado na IV Semana de Xoves Realizadores de Granada (1997).
- Premio Especial Madrid Films no XII Festival Cinema Jove de Valencia (1997).
- Premio do Xurado á Mellor Curtametraxe no XXIX Festival de Cine do Atlántico de Cádiz (1997).
- Primeiro Premio categoría Cine no XXVI Festival de Cine e Vídeo Independente de Badalona (1997).
- Primeiro Premio categoría Cine (ex-aequo) no II Festival de Xoves Realizadores de Zaragoza (1997). Segundo Premio.VI Festival de Cine e Vídeo de Positano (Italia, 2004).
En 2000 foi considerada polo CGAI como a mellor curta de ficción dos anos 90. Ademais da ducia de galardóns foi seleccionada en numerosos festivais estatais (Bilbao, Alcalá, Alfás del Pi, Almería, Elx) e internacionais (Londres, Bruxelas, San Petersburgo, Siena, Annecy, Riga).