Corte Suprema de Chile
Coordenadas: 33°26′20.93″S 70°39′11.14″O / -33.4391472, -70.6530944
A Corte Suprema de Xustiza de Chile é a institución xurisdicional máis alta existente dentro dos tribunais que integran o Poder Xudicial do país. Confórmase por 21 membros chamados Ministros, un dos cales é o seu Presidente. A Corte ten ademais un fiscal xudicial, un secretario, un prosecretario e oito relatores.[1]
Atópase na cima da orde xerárquica do Poder Xudicial, sobre as Cortes de Apelacións, os Xulgados de Letras, os Xulgados de Garantía, os Tribunais de Xuízo Oral Penal e os Tribunais Especiais, e corresponde á superintendencia directiva, correccional e económica sobre todos os tribunais do país, exceptuando o Tribunal Constitucional, o Tribunal Cualificador de Eleccións e os tribunais electorais rexionais.
A Corte Suprema de Chile foi fundada pola Constitución Política de 1823 e instalada o 29 de decembro do mesmo ano, sendo unha das máis antigas institucións do seu tipo no mundo.[2] Ten a súa sede na cidade de Santiago de Chile,[3] no edificio do Pazo dos Tribunais de Xustiza.
Notas[editar | editar a fonte]
- ↑ Artigo 93 do Código Orgánico de Tribunales Arquivado 19 de marzo de 2009 en Wayback Machine.. Consultado o 18 de xaneiro de 2014 (en castelán).
- ↑ Bravo Lira, Bernardino (2003). «La Corte Suprema de Chile 1823-2003, cuatro caras en 180 años». Revista Chilena de Derecho 30. (en castelán)
- ↑ Artigo 94 do Código Orgánico de Tribunales (en castelán).
Véxase tamén[editar | editar a fonte]
 |
Wikimedia Commons ten máis contidos multimedia na categoría: Corte Suprema de Chile  |
