Corpo de Berkeley
O corpo de Berkeley é un orgánulo exclusivo dos lévedos Saccharomyces cerevisiae que teñen unha mutación nos xenes sec7 e sec14. A función deste orgánulo ten que ver coa chamada vía Cvt (cytoplasm to vacuole targeting, destinación do citoplasma a vacúolos), a cal é unha vía de transporte de substancias para a degradación. O corpo de Berkeley actúa como un medio de transporte desde o citoplasma aos vacúolos dentro desta vía. Os corpos de Berkeley comparten semellanzas estruturais cos autofagosomas, os cales están implicados na autofaxia.[1] O mecanismo de funcionamento da vía Cvt é secuestrar un cargamento biosintético nunha vesícula de dobre membrana, que despois se fusiona cun vacúolo liberando a vesícula interna no lume do orgánulo co que se fusionou, onde é degradada por hidrolases e solta o seu cargamento.
O orgánulo consta de dúas membranas que forman un lume interno, o cal contén citoplasma e ás veces inclúe ribosomas. Fórmase a partir de vesículas que se evaxinan do aparato de Golgi ou o retículo endoplasmático. Foron descubertos en 1980 por Novick e Schekman, na Universidade de California, Berkeley. Os corpos de Berkeley acumúlanse nos mutantes en certas condicións.[2][3][4]
Notas[editar | editar a fonte]
- ↑ Fulvio Reggiori, Chao-Wen Wang, Usha Nair, Takahiro Shintani, Hagai Abeliovich, and Daniel J. Klionsky, Early Stages of the Secretory Pathway, but Not Endosomes, Are Required for Cvt Vesicle and Autophagosome Assembly in Saccharomyces cerevisiae, from Molecular Biology of the Cell Vol. 15, 2189–2204, May 2004. [1]
- ↑ Peter Novick, Charles Field and Randy Schekman. Identification of 23 Complementation Groups Required for Post-translational Events in the Yeast Secretory Pathway. Cell, Vol. 21, 205–215, August, 1980. [2] Arquivado 22 de febreiro de 2014 en Wayback Machine.
- ↑ Peter Novick, Susan Ferro and Randy Schekman. Order of events in the yeast secretory pathway. Cell, Volume 25, Issue 2, 461-469, 1 August 1981. doi:10.1016/0092-8674(81)90064-7[3]
- ↑ Lois M. Banta, Jane S. Robinson, Daniel J. Klionsky, and Scott D. Emr. Organelle Assembly in Yeast: Characterization of Yeast Mutants Defective in Vacuolar Biogenesis and Protein Sorting. [http:www.google.es/url?sa=t&rct=j&q=&esrc=s&source=web&cd=4&ved=0CEAQFjAD&url=http%3A%2F%2Fjcb.rupress.org%2Fcontent%2F107%2F4%2F1369.full.pdf&ei=ExT6UqPmFdLe7AbO4ICYAQ&usg=AFQjCNF-z0X0dq5J1oqHKf-_7vBVlWKQ6w]
