Corinna Larsen

Na Galipedia, a Wikipedia en galego.
(Redirección desde «Corinna zu Sayn-Wittgenstein»)
Corinna Larsen
Nome completoCorinna Larsen
Nacemento28 de xaneiro de 1964
Lugar de nacementoFrankfurt
NacionalidadeAlemaña
Ocupaciónempresaria
PaiFinn Bönning Larsen
CónxuxePhilip Adkins e Casimir Prinz zu Sayn-Wittgenstein-Sayn
FillosAlexander Kyril Ludwig Peter Salentin Maria Gabriel de Sayn-Wittgenstein
editar datos en Wikidata ]

Corinna zu Sayn-Wittgenstein ou Corinna Larsen (nome de solteira), nada en Frankfurt en 1964, é unha aristócrata e empresaria alemá relacionada co negocio das armas de fogo do Reino Unido.

Traxectoria[editar | editar a fonte]

Adquiriu o título de princesa tras o seu matrimonio en 2000 co príncipe Johann Casimir zu Sayn-Wittgenstein-Sayn, do que se separou en 2005. En 2012, o seu estado civil era o de divorciada; ten dous fillos.[1] Con todo, casara por vez primeira xa antes con Philip J. Adkins, pai da súa filla nada en 1992, Anastasia. Tamén mantivo unha relación cun membro da familia Flick, que controla gran parte do emporio Mercedes.[2]

En 2012 traballaba como organizadora de cacerías de animais no continente africano para a empresa Boss & Company Sporting Agency, cuxos clientes son polo xeral persoas de grandes posibilidades económicas. A súa función na compañía era a de impulsar e satisfacer todas as necesidades, dende o transporte en voos charter ou comerciais até o alugueiro de rifles, as licenzas de caza, os permisos no país de destino, o aloxamento ou a manutención dos clientes. Así mesmo, actuou como representante do rei Xoán Carlos I de España perante o príncipe Alwaleed bin Talal de Arabia Saudita.[3] Por outra banda, cabe destacar que foi tripulante de honra do Desafío Español na Copa América de vela, canda o monarca español.[4]

Cabe destacar que foi mencionada pola xornalista Pilar Eyre no seu libro La soledad de la reina, o cal xira arredor da figura de Sofía de Grecia. No mencionado libro, Sayn-Wittgenstein era definida como unha muller atractiva e con grande influencia na Xefatura do Estado Español.[5]

Notas[editar | editar a fonte]