Copa Sudamericana

Trofeo da Copa Sudamericana.

A Copa Sudamericana é a segunda competición continental de fútbol a nivel de clubs en Sudamérica. Organizada pola Conmebol, comezou a disputarse en 2002.

O equipo que gaña a Copa Sudamericana acada o dereito a disputar a Recopa Sudamericana fronte ó campión da Copa Libertadores.

Índice

1 Diferenzas entre Copa Libertadores e Copa Sudamericana
2 Palmarés
3 Véxase tamén
- 3.1 Outros artigos
- 3.2 Ligazóns externas

Diferenzas entre Copa Libertadores e Copa Sudamericana [editar]

As diferenzas entre a Copa Libertadores e a Copa Sudamericana son as seguintes:

A Copa Libertadores dispútase no primeiro semestre do ano, e a Copa Sudamericana no segundo semestre do ano.
A Copa Libertadores ten unha fase de grupos como a Liga de Campións da UEFA, que da paso a uns oitavos de final, mentres que a Copa Sudamericana ten o mesmo formato que a Copa do Rei española, polo tanto non hai grupos, e dende o comezo ata a final todo son eliminatorias directas.
Na Copa Libertadores compiten os mellores equipos de cada liga, mentres que na Copa Sudamericana compiten os seguintes mellores equipos de cada liga. Por exemplo, cada ano van á Copa Libertadores o 1º, 2º e 3º da liga peruana, mentres que o 4º, 5º e 6º va á Copa Sudamericana. En outras ligas como a de Venezuela ou Colombia, clasifícase para a Copa Sudamericana o campión do torneo nacional de copa.
Na Copa Libertadores cada país membro da Conmebol clasifica a 3 equipos, menos Arxentina e Brasil que clasifican a 5. Na Copa Sudamericana cada país clasifica a 3 equipos, menos Arxentina que clasifica a 6 equipos, e Brasil que clasifica a 8.