Copa Galiza de fútbol
A Copa Galiza de fútbol é unha competición deportiva que enfronta os clubs de fútbol galegos de Segunda B e Terceira, ata 2008 tamén os de Primeira e Segunda.
[editar] Historia
A Copa Galiza denominouse na súa primeira edición Copa Xunta de Galicia de clubs, e foi presentada o día 6 de abril de 2006. A primeira edición deste trofeu contou coa participación dos clubs galegos que na temporada 2005-06 de fútbol estaban nas categorías de primeira división, segunda división ou segunda división B. Ademais, a Xunta convidou discrecionalmente o CD Lugo para completa-lo número de oito equipos e facer dous grupos, norte e sur. Os partidos desputáronse en agosto.
Na tempada seguinte, xa baixo o nome de Copa Galiza, séguese o mesmo esquema de seleccionar todos os clubs de Primeira, Segunda e Segunda B, deixando fóra os equipos filiais e convidando aos dous mellores conxuntos de terceira división. Ademais, moveuse o calendario de competición á primavera do ano seguinte, co que oficialmente non se desputou edición en 2007. Tamén se substituíu o sistema de liga por un sistema de copa con oito equipos.
Na seguinte edición, en 2009, e trala renuncia dos equipos de Primeira e Segunda, a Copa Galiza xógana unicamente os equipos de Segunda B e Terceira, agrupados en dous distintos grupos: a maior parte dos de Terceira xogan unha rolda previa, e os de Segunda B e os tres mellores de Terceira únense na eliminatoria, nos oitavos.
[editar] Edicións
| Tempada | Campión | Subcampión | Resultado | Incidencias |
| 2009 | Cerceda | Santa Comba | 3-0 | |
| 2008 | Celta de Vigo | Deportivo da Coruña | 0-0 | Penaltis 6-5 |
| 2007 | Non se desputou | |||
| 2006 | Celta de Vigo | CD Lugo | 3-2 | |
[editar] Palmarés
| Equipo | Campión | Subcampión | Títulos (por ano) | |
|---|---|---|---|---|
| 1 | Celta de Vigo | 2 | 0 | 2006 e 2008 |
| 2 | Cerceda | 1 | 0 | 2009 |
| 3 | CD Lugo | 0 | 1 | |
| 4 | Deportivo da Coruña | 0 | 1 | |
| 5 | Santa Comba | 0 | 1 |
|
|||||||||||||||||||||||||||||||||||||
