Conversa:Hipótese do mundo de ARN

Os contidos da páxina non están dispoñibles noutras linguas.
Na Galipedia, a Wikipedia en galego.

Experimento de Miller[editar a fonte]

Penso que sería moi ilustrativo dar unhas breves pinceladas sobre o interesante experimento de Miller e Urey e algunha das probas que fixo Joan Oró. Aínda que teño formación científica, penso que sería mellor que o fixese Miguelferig, que está a demostrar ter uns coñecementos moi amplos (moi por riba dos meus) e unha extraordinaria capacidade para redactar interesantísimos artigos. --Paradanta (Cóntame) 22:23, 18 de xullo de 2011 (UTC)

Efectivamente, o experimento de Miller é moi interesante, pero non sei se estaría ben incluílo aquí nesta páxina ou facer unha páxina á parte. Realmente, o experimento de Miller, máis que falar especificamente do mundo de ARN, o que demostra é que é posible que se forme materia orgánica a partir de materia inorgánica (a materia inorgánica dos gases que supostamente formaban a atmosfera primitiva da Terra). Hai tamén unha páxina sobre a orixe da vida moi extensa e ben feita. Se teño tempo igual fago a páxina do experimento de Miller máis adiante, ou que alguén se anime a facela.

Por outra parte, grazas pola confianza nas miñas capacidades, pero é inmerecida. Moitas das miñas páxinas son traducións, ás veces tomando partes de diferentes wikipedias ou engadindo algunha parte nova e mudando o que haxa que mudar. De todos modos, creme, non é tampouco fácil facer unha tradución xeitosa, especialmente en certos temas, e xa teño visto noutras wikipedias traducións que deixan moito que desexar (compara, por exemplo, a páxina da metionina en inglés coa tradución na wikipedia en español, que é un exemplo de tradución "creativa", con erros que penso se evitaron na páxina galega).Miguelferig 11:05, 19 de xullo de 2011 (UTC)

Non digo describilo exhaustivamente, só dicir moi brevemente en que consistiu e relacionar o seu resultado coa hipótese do mundo de ARN. Logo pódeselle facer un artigo de seu. Só é unha suxerencia para que a frase Aínda que non se encontraron nucleótidos no experimento de Miller e Urey, si se encontraron nas simulacións doutros investigadores, sobre todo nas de Joan Oró, quede un pouco máis clara, porque o lector que non teña unha pequena idea acerca destes experimentos non saberá que relación poden gardar coa hipótese descrita no artigo. Un saúdo! --Paradanta (Cóntame) 15:49, 19 de xullo de 2011 (UTC)
Xa fixen unha páxina titulada "Experimento de Miller e Urey". Agora a ligazón nesta páxina xa está en azul e os que queiran máis información poden premer nela. Pero non quería introducir nesta páxina do mundo de ARN máis información porque o experimento de Miller se menciona na introdución e aí non se pode entrar moito en materia. Unicamente se podería facer un capítulo específico, pero a verdade que para a hipótese do mundo de ARN o único que lle afecta o experimento de Miller é que se pode orixinar ribosa (no de Miller) e bases nitroxenadas (no de Oró), que son constituíntes dos nucleótidos. Penso que o mellor é consultar a páxina que xa está feita sobre o experimento (en realidade aínda non a acabei de todo, pero falta pouco).

Miguelferig 21:47, 19 de xullo de 2011 (UTC)

Ligazóns externas modificadas (agosto 2018)[editar a fonte]

Ola compañeiros editores,

Acabo de modificar 8 ligazóns externas en Hipótese do mundo de ARN. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Por favor revisade o FAQ para máis información sobre cómo correxir erros do bot.

Saúdos.—InternetArchiveBot (Informar de erros) 25 de agosto de 2018 ás 08:29 (UTC)[responder]

Ligazóns externas modificadas (marzo 2020)[editar a fonte]

Ola compañeiros editores,

Acabo de modificar 5 ligazóns externas en Hipótese do mundo de ARN. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 29 de marzo de 2020 ás 01:24 (UTC)[responder]