Consellería de Medio Rural e do Mar

A Consellería de Medio Rural e do Mar é unha consellería da Xunta de Galicia con competencias na xestión e promoción da agricultura, da gandaría, dos produtos con denominación de orixe, da política forestal, da pesca, do marisqueo e dos portos. O seu titular actual é Rosa Quintana.

Historia

A consellería de Medio Rural e do Mar é, a pesar das mudanzas de nomes, unha das máis estables da historia dos gobernos autonómicos en canto a funcións e competencias. A variación máis importante foi a incorporación, entre 1983 e 1986 das políticas relacionadas coa pesca e a acuicultura que antes, coma o foron despois, tiveron unha consellería de seu. Estas competencias foron recuperadas trala remodelación de goberno producida en 2012.

Conselleiros

1. Jaime Rey de Roa (1982-1984). Como conselleiro de Agricultura, Gandería e Montes.
2. Fernando Garrido Valenzuela (1984-1986). A partir de 1985, como conselleiro de Agricultura, Pesca e Alimentación e uns meses despois, como conselleiro de Agricultura.
3. Ángel Ruiz Fidalgo (1986-1987).
4. Francisco Sineiro (1987-1990).
5. Xosé Manuel Romay Beccaría (1990-1991). Como conselleiro de Agricultura, Gandería e Política Forestal.
6. Tomás Pérez Vidal (1991-1997). Como conselleiro de Agricultura, Gandería e Montes.
7. Cástor Gago (1997-2001). Como conselleiro de Agricultura, Gandería e Política Agroalimentaria.
8. Xoán Manuel Diz Guedes (2001-2004). A partir de 2001, uns meses máis tarde, como conselleiro de Política Agroalimentaria e Desenvolvemento Rural.
9. José Antonio Santiso Miramontes (2004-2005).
10. Alfredo Suárez Canal (2005-2009). Como conselleiro de Medio Rural.
11. Samuel Juárez (2009-2012).
12. Rosa Quintana (2012-). Como conselleira de Medio Rural e do Mar.

Estrutura interna

Secretarías e direccións xerais

Ademais da necesaria Secretaría Xeral da consellería, que ocupa Francisco José Vidal-Pardo y Pardo, a consellería do Medio Rural e do Mar conta coas seguintes secretarías e direccións xerais:

• Secretaría Xeral de Medio Rural e Montes: Tomás Fernández-Couto
  • Dirección xeral de Produción agropecuaria: José Álvarez Robledo
  • Dirección xeral de Desenvolvemento rural: Antonio Crespo Iglesias
• Secretaría Xeral de Mar: Juan Carlos Maneiro Cadillo
  • Dirección xeral de Desenvolvemento pesqueiro: Susana Rodríguez Carballo.

Entes asociados

• Instituto Tecnolóxico para o Control do Medio Mariño
• Portos de Galicia
• Servizo de Gardacostas de Galicia
• Fondo Galego de Garantía Agraria
• Axencia Galega de Desenvolvemento Rural
• Instituto Galego de Calidade Alimentaria

Outros entes

• Bantegal, que xestiona o Banco de Terras de Galicia

Véxase tamén

Ligazóns externas

• Web da consellería