Consellaría
Na Galipedia, a Wikipedia en galego.
Denomínase consellaría ou consellería a cada unha das carteiras en que se dividen os gobernos das comunidades autónomas de España, incluídas as da Xunta de Galicia. Trátase do equivalente aos ministerios na repartición por funcións dos órganos de goberno estatais. A cabeceira dunha consellaría é rexida por un responsábel máximo, que se coñece como conselleiro. Así mesmo, a dependencia ou sede de cada consellaría recibe a mesma denominación.
Consellarías da Xunta de Galicia [editar]
Actualmente o goberno da Xunta de Galicia está formado por 10 consellarías, amais do departamento da presidencia. Non obstante, o número é variábel e cada novo goberno dispón o numero de carteiras en función das súas preferencias políticas.
- Consellería de Presidencia, Administracións Públicas e Xustiza: Alfonso Rueda.
- Consellería de Facenda: Marta Fernández Currás.
- Consellería de Medio Ambiente, Territorio e Infraestruturas: Agustín Hernández.
- Consellería de Economía e Industria: Xavier Guerra.
- Consellería de Educación e Ordenación Universitaria: Xesús Vázquez Abad.
- Consellería de Sanidade: Pilar Farjas.
- Consellería de Cultura e Turismo: Roberto Varela.
- Consellería de Traballo e Benestar: Beatriz Mato.
- Consellería do Medio Rural: Samuel Juárez.
- Consellería do Mar: Rosa Quintana.
