Confederación Española de Derechas Autónomas

Na Galipedia, a Wikipedia en galego.
CEDA.

A Confederación Española de Derechas Autónomas (CEDA, en galego: Confederación Española de Dereitas Autónomas) foi unha coalición de partidos de dereitas que se formou o 4 de marzo de 1933 en España. Fundada por José María Gil Robles e Ángel Herrera Oria. Contaba con case 500.000 afiliados. Acción Popular era o partido máis influente, seguido da Derecha Regional Valenciana.

A CEDA era un partido de ideoloxía clerical conservadora, partidaria dun Estado corporativo, aínda que aceptaba a república como forma de goberno, as Juventudes de Acción Popular (JAP) tiñan claras influencias do fascismo italiano. Nas eleccións de novembro de 1933 converteuse na primeira forza do parlamento e entra no goberno con tres ministros en outubro de 1934. Tralo alzamento franquista, gran parte dos militantes da organización danlles apoio aos sublevados, pero Francisco Franco disólvea en abril de 1937.

Galicia[editar | editar a fonte]

En Galicia a CEDA formábaa a Unión Regional de Derechas, dirixida por Gil Casares.