Concha Blanco

Concha Blanco Blanco

María Concepción Blanco Blanco, nada o 19 de xuño de 1950 en Lires, Cee, é unha pedagoga, mestra e escritora en lingua galega.

Traxectoria

Conta a autora no seguinte texto "Segundo me contaron, tardei moito en saír da barriga de miña nai, retraso que a piques estivo de facerme coincidir nacer con morrer. D. Xoán, o médico que axudou no parto, deume un par de azoutas. Así que dende aquela aprendín a ser puntual nas miñas citas, co traballo, cos amigos, coas amigas".

Con 10 anos comenzou os estudos na escola local e co tempo trasladouse a Ferrol para cursar Bacharelato no Instituto "Concepción Arenal" de Ferrol e tamen estivo no mauela rial mouzo e despois continuar cos estudos de Maxisterio na Universidade de Santiago de Compostela. O seu labor docente empezou na Escola de Nemiña (Muxía). Logo pasou ás localidades de Ézaro (Dumbría) e Brens (Cee), onde impartiu clases de Lingua e Literatura Galega no IES "Agra de Raíces", alternando co C. P. "Uxío López" (coma mestra de E.S.O. en Lingua Galega). Actualmente está xubilada. Dende o comenzo da súa actividade editou libros de materia pedagóxica. Foi unha das primeiras autoras de materiais didácticos para o ensino do galego.

É coordinadora e coautora de varios libros de texto de Primaria e Secundaria ademais das correspondentes "Guías Didácticas". Foi corresponsal de prensa durante varios anos na colaboranción cos seus alumnos, en programas de radio. Impartiu e coordinou cursos de Lingua Galega, proxectos de formación do profesorado e Xornadas da Nosa Lingua.

Obra

Literatura infanto-xuvenil

• Contos prá escola, 1981. Con ilustracións de X. Vilasantar. (Edicións do Castro).
• O Planeta ceboleiro, 1982. (Ed. do Castro).
• Os habitantes de Nepecifonilandia, 1983. (Ed. do Castro).
• Chuchamel, 1988. Con ilustracións de Carolina, Daniel e Aleixo Díaz. (Ed. do Castro).
• O noso Pepe, 1988. Con ilustracións de X. Vizoso. (Ed. do Castro).
• ¿Andrómenas?, 1989. Con ilustracións de Julio Gutiérrez Mas. (Ed. S.M.).
• A misteriosa montaña de Pena Negra, 1991. Con ilustracións de Cristina Losantos. (Editorial Maxisterio-Casals).
• A vaca titiriteira, 1991. Con ilustracións de Mari Fe Quesada. (Editorial Bruño).
• O milagre de Carola, 1992. Con ilustracións de X. Vizoso. (Ed. do Castro).
• A papoula era máxica, 1994. Con ilustracións de X. Vizoso. (Ed. do Castro).
• A camioneta da media risa, 1995. Con ilustracións de Manuel Uhía. (Ed. Bruño).
• Marcelo non me toma o pelo, 1995. Con ilustracións de Vicente Blanco. (Sotelo Blanco). Segunda edición no 2001.
• Berta non soubo voar, 1995. (Editorial Pentalfa).
• A Disco Ecoloxista, 1995. Con ilustracións de Francisco Mantecón. (Do Cumio). Segunda edición no 2001.
• A Maxia da Bóla Metálica e outros contos, 1995. Con ilustracións de Francisco Mantecón. (Ed. do Cumio).
• O vestido de Cora, 1996. Con ilustracións de Jesús Fernández. (Ed. Sotelo Blanco). Segunda edición no 2001.
• As loucas vacacións dunha formiga, 1996. Con ilustracións de Manuel Uhía. (Ed. Bruño).
• O aniversario de Ana, 1997. (Ed. Alfaguara Obradoiro).
• A aventura das cores, 1998. (Edicións Xerais).
• ¡A min que me importa!, 1999. (Ed. Bruño). Segunda edición no 2004.
• A casa de cartón, 2000. (Ed. Everest).
• Querido Iván, 2000. (Ed. Everest).
• Quero que veñan meus pais, 2000. (Ed. Casals).
• Berta, 2001. (Editorial Ir Indo).
• Estela, a domadora de rás, 2002. (Ed. Ir Indo).
• Bianca, 2003. (Ed. Dixital).
• Boris, 2004. (Ed. Galaxia).
• Sara, 2004. (Editorial Casals).
• Boris e compañía, 2005. (Ed. Galaxia).
• A bruxiña da sorte, 2005. (Ed. Obradoiro).
• Poemas para pintar, 2006. (Ed. Sotelo Blanco).
• Tita, 2006. (Ed. Everest).
• Cantos da rula, 2008. (Ed. do Castro).
• Nano, 2008. (Ed. Everest).
• Encontros ás agachadas, 2009. (Deputación de Ourense).
• Os poderes máxicos de Aitema, 2010. (Ed. Galaxia).
• Luces, bicos e cores, 2012. (Ed. Embora).

Narrativa

• Habitación 202, 2008. (Ed. Everest).
• Coa carauta posta, 2009. (Toxosoutos).

Materiais didácticos

• Cousiñas prá escola, 1984. Con ilustracións de Carawane. (Ed. do Castro). Segunda edición no 1990.

Obras colectivas

• 8 contos, 1989. Con ilustracións de Manuel Uhía. (Campaña de Lectura subvencionada pola Xunta de Galicia).
• E dixo o Corvo..., 1997. (Xunta de Galicia).
• Nós, 1997, Batallón Literario da Costa da Morte.
• Rumbo ás illas. Escritores da Costa da Morte nas Sisargas, 1997, Asociación Cultural Monte Branco/Asociación Neria, O Couto, Ponteceso.
• O trasno rebuldeiro, Antoloxía de literatura infantil da Costa da Morte, 1997.
• Deixade pois que voe o Paporroibo, que nos conte contos, 1999.
• Catro contos para unha data, 2004. (Xunta de Galicia).
• A Coruña á luz das letras, 2008. Editorial Trifolium.
• Cartas a Balbino: homenaxe a Xosé Neira Vilas, 2011 (Xunta de Galicia).
• Vivir un soño repetido. Homenaxe a Lois Pereiro, 2011, Asociación de Escritores en Lingua Galega, libro electrónico.

Premios

• 3º Premio do Concurso Nacional de Contos Infantís O Facho no 1982, por O planeta ceboleiro.
• 3º Premio do Concurso Nacional de Contos Infantís O Facho no 1983, por Os habitantes de Nepecifonilandia.
• Segundo premio do Premio Barco de Vapor en 1988, por ¿Andrómenas?.
• Terceiro premio da Agrupación Cultural O Facho en 1991, por A vaca titiriteira.
• Finalista por tres veces do Premio Merlín (1996, 1999 e 2003).
• Accésit do Premio Lazarillo en 1997, por ¡A min que me importa!, traducida a catalán, castelán e valenciano. *Premio Lecturas de Gálix no 2002.
• Premio de Novela por Entregas de La Voz de Galicia en 2007, por Habitación 202.
• IV Premio Arume de poesía para nenos en 2008, por Cantos da rula.
• Premio Frei Martín Sarmiento en 2008, por Poemas para pintar.
• VI Premio de Literatura Infantil e Xuvenil Pura e Dora Vázquez en 2008 por Encontros ás agachadas.

Véxase tamén

Ligazóns externas

• Ficha da autora na AELG