Concepción Picciotto

Na Galipedia, a Wikipedia en galego.
Concepcion Picciotto.JPG

Concepción Picciotto, chamada Concepción Martín de solteira, nada en Vigo probablemente en 1945, é unha pacifista galega que vive nos Estados Unidos.

Emigrou aos Estados Unidos en 1963, onde comezou a traballar no consulado de España en Nova York. Casou cun home de negocios italiano en 1965, de quen tomou o apelido, con quen tivo unha filla. Ao separarse en 1974 perdeu o traballo, a casa e a custodia da filla. A partir de aí iniciou unha batalla legal por recuperar a custodia, que se transformou nunha batalla contra o sistema legal estadounidense e finalmente, nunha protesta contra o goberno dos Estados Unidos: Concepción ou Conchita Picciotto, como tamén se lle chama, é famosa por vivir dende agosto de 1981 enfronte da Casa Branca, en Washington, D.C., na beirarrúa do número 1600 de Pennsylvania Avenue, en protesta contra a proliferación do armamento nuclear.

Conchita Picciotto apareceu no filme Fahrenheit 9/11, dirixido por Michael Moore en 2004.

Véxase tamén[editar | editar a fonte]

Ligazóns externas[editar | editar a fonte]