Commodore 64

Na Galipedia, a Wikipedia en galego.
Commodore 64 "Breadbin".

O Commodore 64 (C64, CBM 64/CBM64, C=64) foi un ordenador, o antecesor do Commodore 128 da década dos 80. Utilizaba unha unidade de casete ademais dunha disketera tipo 5 1/4. Dispoñía dun teclado profesional moi robusto, distintas tomas de conexión e posuía infinidade de xogos, aplicacións, gráficos e multimedia.

Contaba cunha paleta de 16 cores e un intérprete BASIC. Aceptaba a conexión directa de periféricos sen necesidade dun interface de conexión, (como algún dos seus máis directos competidores) incorporando dous portos de conexión de mandos de xogo (joysticks), portos serie IEC, RS232 e C2N, saída a televisión, saídas de vídeo composto e audio mediante conector DIN de alta fidelidade e un porto de expansión para cartuchos.

Algúns cartuchos incorporaban linguaxes de programación como COBOL, ou un basic máis avanzado, ou expansión de RAM, máis algunhas utilidades para conxelar os xogos e poder copialos. O seu reloxo funcionaba a menos de 1 Mhz, pero as súas excelentes capacidades gráficas e sonoras, fixeron del o ordenador favorito de millóns de usuarios.

Hoxe en día existen programas que emulan o seu funcionamento ao completo, tanto para GNU/Linux como para outros sistemas operativos.

Commons
Commons ten máis contidos multimedia sobre: Commodore 64