Comercio xusto

Na Galipedia, a Wikipedia en galego.
Comercio xusto, Santiago de Compostela

Comercio xusto define unha forma alternativa de comercio promovida por varias organizacións non gobernamentais, por Nacións Unidas e por movementos sociais e políticos (coma o pacifismo e o ecoloxismo) que promoven unha relación comercial xusta entre produtores e consumidores.

Principios[editar | editar a fonte]

Os principios que defende o Comercio xusto son:

  • Os produtores forman parte de cooperativas ou organizacións e funcionan de xeito democrático.
  • Rexeito á explotación infantil.
  • Igualdade entre homes e mulleres.
  • Trabállase con dignidade respectando os dereitos humanos.
  • O prezo que se paga aos produtores permite condicións de vida dignas.
  • Os compradores xeralmente pagan por adiantado para evitar que os produtores busquen outras formas de se financiar.
  • Valórase a calidade e a produción ecolóxica.
  • Respecto ao medio ambiente.
  • Búscase o xeito de evitar intermediarios entre produtores e consumidores.
  • Infórmase aos consumidores acerca da orixe do produto.

Inténtase con isto evitar as grandes diferenzas entre o prezo que pagan por un produto os consumidores do primeiro mundo e o diñeiro que se lles paga aos seus produtores no Terceiro Mundo, ademais de evitar a explotación dos traballadores. Tamén, isto axuda a compensar os efectos da obsesión de consumir no prezo mais barato, e as suas repercusións:

  • Progresivo deterioro da calidade e duración dos produtos.
  • Explotación dos produtores.
  • Deterioro ambiental.

Selo de Comercio xusto[editar | editar a fonte]

Turrón de comercio xusto

O Selo de Comercio Xusto ou Selo FAIRTRADE é o Selo que, impreso nun produto, garante que este provén de Comercio Xusto e foi producido e comercializado seguindo os criterios internacionais de Comercio Xusto establecidos por Fairtrade Labelling Organzitions (FLO) International.

Cafés certificados co Selo Fairtrade-Comercio Xusto

A certificación dos produtos de Comercio Xusto cun Selo permite a súa fácil identificación e a súa venda nos canais de distribución habituais. Ademais a certificación Fairtrade abre o Comercio Xusto a todas aquelas empresas dispostas a seguir os criterios de Comercio Xusto na elaboración de un ou máis produtos. Deste xeito a certificación Fairtrade contribúe de forma significativa ao crecemento global do volume dos produtos de Comercio Xusto vendidos en todo o mundo.

En España a Asociación do Selo de Produtos de Comercio Xusto (ASPCJ) dá licenza para o uso deste Selo e fomenta o que consumidoras e consumidores o coñezan e opten por produtos Fairtrade. a Asociación do Selo FAIRTRADE é membro de FLO International, o organismo internacional que apoia os produtores que traballan con Fairtrade ou desexan traballar con Fairtrade e que establece os criterios ou estándares de Comercio Xusto para cada produto.

Véxase tamén[editar | editar a fonte]

Ligazóns externas[editar | editar a fonte]

Documentais[editar | editar a fonte]

Multimedia[editar | editar a fonte]