Comarca dos Valles Pasiegos

Na Galipedia, a Wikipedia en galego.
Comarca dos Valles Pasiegos
Comarca del Pas-Miera.PNG
Capital Villacarriedo
País España España
Comunidade autónoma Cantabria Cantabria
Provincia
Concellos 13
Poboación (2005) 23.257 hab.
Área 599 km²
Densidade 38,82 hab/km²

A comarca dos Valles Pasiegos ou la Pasieguería é unha comarca histórica de Cantabria (España). Por esta comarca transcorren os ríos Pas e Miera. Limita ao norte coa comarca de Santander, ao leste coa do Asón-Agüera, ao oeste coa do Besaya, e ao sur esténdese por Espinosa de los Monteros na provincia de Burgos.

A comarca, tamén coñecida como Pas-Miera ou Pas-Pisueña-Miera, engloba os cursos altos dos ríos Pas e Miera, e está formada polos vales de Toranzo, Carriedo, Cayón e Pas. Cun carácter eminentemente rural, a súa poboación bascula cara a Torrelavega, Santander ou Laredo en busca de servizos. Destaca do lugar o val pasiego polas súas históricas características intrínsecas.

A pesar de que xa existe unha lei de comarcalización de Cantabria, esta aínda non foi desenvolvida polo tanto a comarca non ten entidade real.[1]

Concellos[editar | editar a fonte]

Imaxe panorámica da zona baixa do val do Miera vista desde o Somo de Brenas.

Demografía[editar | editar a fonte]

Concellos máis poboados da comarca
Posición Concello Poboación
Santa María de Cayón 7.377
Puente Viesgo 2.522
Corvera de Toranzo 2.199

A poboación total da comarca alcanza a cifra de 23.257 habitantes, segundo datos do INE do ano 2006. Segundo os datos do mesmo ano, os seus tres núcleos máis poboados, de maio a menor, son: Santa María de Cayón (7.377), Puente Viesgo (2.522) e Corvera de Toranzo (2.199). E os seus tres núcleos menos poboados, de menor a maior, son: San Roque de Riomiera (461), Saro (510) e San Pedro del Romeral (561).

Galería[editar | editar a fonte]

Notas[editar | editar a fonte]

  1. Lei 8/1999, de 28 de abril, de comarcas da comunidade autónoma de Cantabria. [1]

Véxase tamén[editar | editar a fonte]

Ligazóns externas[editar | editar a fonte]