Club Deportivo Ourense

Ourense

Nome	Club Deportivo Ourense S.A.D.
Alcume(s)
Fundación	1952
Estadio	O Couto Ourense, Galicia
Inauguración	1949
Capacidade	5.625 persoas
Propietario
Presidente	Manuel Seoane Rodríguez
Adestrador	Luisito
Liga	2ªB – Grupo 1
2011–12	1º (3ª – Grupo 1)
Vestimenta	Umbro
Patrocinador	Artenosa Publicidade
[ Web oficial]
Na casa Fóra

O Club Deportivo Ourense é un club de fútbol de Galicia, da cidade de Ourense. Foi fundado en 1952, logo da desaparición da Unión Deportiva Orensana, e actualmente compite na Segunda División B.

O Ourense xogou 13 tempadas na Segunda División Española, acadando o terceiro posto nas tempadas 1959/60 e 1961/62. Entre os seus títulos constan unha Copa Federación e 8 ligas de Terceira División.

Historia

Orixes

O Club Deportivo Ourense ten as súas orixes na Unión Deportiva Orensana, fundada en 1942. Ao ano seguinte logrou o ascenso á Tercera División, onde xogou até 1949, cando logrou subir á Segunda División debido a ampliación do número de equipos.

A UD Orensana debutou en Segunda na tempada 1949–50 e mantívose tres campañas na división de prata, con postos na zona media da clasificación, até que descendeu na tempada 1951–52 ao rematar antepenúltimo, en 14º lugar. Ese mesmo ano chegaron á final da Copa Federación, perdendo co Real Jaén. Logo dese partido, a directiva anunciou suspensión de pagos ao non poder pagar aos xogadores, que marcharon a outros equipos. Ao non poder continuar coa xestión, a entidade desapareceu.

Nacemento do Club Deportivo Ourense

O Club Deportivo Ourense constituíuse o 10 de setembro 1952, con Jesús Díaz Varela na presidencia. O club, formado con xogadores locais e afeccionados, debutou en división rexional, pero logrou o ascenso á Terceira División o primeiro ano debido a unha vacante. Tras unha primeira tempada de consolidación na categoría marcouse como obxectivo o ascenso á Segunda División.

O equipo clasificouse para as fases finais polo ascenso en tres ocasións consecutivas, acadándoo finalmente no cuarto intento na tempada 1958–59, tras derrotar ao CD Getxo. Logo de acadar o terceiro posto na tempada de debut en Segunda División, o equipo mantívose cinco anos máis na división de prata. Na campaña 1964–65 descendeu ao finalizar en penúltimo lugar do seu grupo.

Nas seguintes campañas logrouse unha forte superioridade sobre os rivais nas categorías rexionais, copando as primeiras posicións do seu grupo. En 1969 conséguese o regreso á segunda división tras vencer ao Bilbao Athletic, se ben só se permaneceu alí un ano ao terminar en última posición. Regresouse de novo en 1973, permanecendo dúas campañas até un novo descenso.

Vinte anos até o ascenso

Coa introdución da Segunda División B, o CD Ourense tivo dificultades para emprender o obxectivo do ascenso e atravesou unha crise deportiva. En 1980 non puido evitar descender á Terceira División, manténdose nela até 1985. Nove anos despois, con Antonio Teixidó e José María Gómez Fuertes como adestradores, logrouse o ascenso á segunda división, tras acabar a liga en terceiro lugar e logo de eliminar na liguiña de ascenso o Real Jaén, Sestao River e Gramenet. O equipo rematou a campaña 1994–95 en última posición e descendeu á Segunda B, pero regresouse en 1996, ano en que a entidade se convertiu en sociedade anónima deportiva. Durante tres tempadas o club loitou por manterse, pero na tempada 1998–99 descendeu de novo.

Actualidade

O CD Ourense intentou volver á Segunda División sen éxito. En anos posteriores as dificultades económicas mermaron o equipo, que tivo que facer varias ampliacións de capital para garantir a súa existencia. Na tempada 2007–08 os resultados na liga regular empeoraron. Malia que ese mesmo ano gañou a Copa Federación de fútbol tras impoñerse na final ao Reus, acabou 17º na clasificación do grupo I da Segunda B, polo que descendeu á Terceira División. Este feito agravou a situación económica do club, que acumulou impagos a xogadores e estivo a piques de desaparecer. Porén, logrou manterse en Terceira División con xogadores galegos e da canteira. Na tempada 2011–12 resultou campión, clasificándose para a fase de ascenso como primeiro de grupo, debendo xogar contra o CD Laudio na primeira eliminatoria. Tras gañar 1-3 en terras alavesas, no partido de volta venceu por un gol, logrando así o ascenso a Segunda División B.

Uniforme

• Uniforme titular: Camiseta vermella, pantalón azul e medias vermellas.

Estadio

Xoga no campo do Couto, con capacidade para 5.625 persoas e unhas dimensións de 105 x 70 metros.

Datos do club

• Tempadas en 1ª: 0
• Tempadas en 2ª: 13
• Tempadas en 2ªB: 23 (Incluída a 2012–13)
• Tempadas en 3ª: 24
• Mellor posto na liga: 3º (2ª tempadas: 1959–60, 1961–62)
• Peor posto na liga: 22º (2ª tempada 1998–99)

Historial na liga

Tempada	Categoría	Posto
1953/54	3ª	15º
1954/55	3ª	4º
1955/56	3ª	1º
1956/57	3ª	1º
1957/58	3ª	2º
1958/59	3ª	1º
1959/60	2ª	3º
1960/61	2ª	4º
1961/62	2ª	3º
1962/63	2ª	7º
1963/64	2ª	8º
1964/65	2ª	15º
1965/66	3ª	2º
1966/67	3ª	1º
1967/68	3ª	1º

Tempada	Categoría	Posto
1968/69	3ª	1º
1969/70	2ª	20º
1970/71	3ª	1º
1971/72	3ª	3º
1972/73	3ª	1º
1973/74	2ª	12º
1974/75	2ª	18º
1975/76	3ª	5º
1976/77	3ª	2º
1977/78	2ªB	3º
1978/79	2ªB	8º
1979/80	2ªB	19º
1980/81	3ª	5º
1981/82	3ª	2º
1982/83	3ª	3º

Tempada	Categoría	Posto
1983/84	3ª	2º
1984/85	3ª	2º
1985/86	2ªB	6º
1986/87	2ªB	13º
1987/88	2ªB	3º
1988/89	2ªB	3º
1989/90	2ªB	13º
1990/91	2ªB	7º
1991/92	2ªB	5º
1992/93	2ªB	5º
1993/94	2ªB	3º
1994/95	2ª	20º
1995/96	2ªB	3º
1996/97	2ª	15º
1997/98	2ª	16º

Tempada	Categoría	Posto
1998/99	2ª	22º
1999/00	2ªB	2º
2000/01	2ªB	2º
2001/02	2ªB	11º
2002/03	2ªB	9º
2003/04	2ªB	4º
2004/05	2ªB	9º
2005/06	2ªB	14º
2006/07	2ªB	15º
2007/08	2ªB	17º
2008/09	3ª	3º
2009/10	3ª	3º
2010/11	3ª	3º
2011/12	3ª	1º
2012/13	2ªB	-

Filiais

O filial do CD Ourense é o Ourense B, tamén chamado Atlético Ourense.

Xogadores

Categoría principal: Xogadores do CD Ourense.

Cadro actual

Datos do 29 de febreiro de 2012.

Nº Posto País Xogador POR Pablo POR Pato Guillén DEF Adrián Padrón DEF Alberto Campillo García DEF Josu DEF Portela DEF Tazos DEF Claudio DEF Sergio Martínez DEF Ismael MED Mouriño MED Álex Fernández MED Noguerol MED Sanginés MED Crowell MED Yebra DIA Quintairos DIA José Arenas DIA Amilton DIA Éder DIA Veloso

Palmarés

• Subcampión da Segunda División B (2): 1999–00, 2000–01
• Terceira División (8): 1955–56, 1956–57, 1958–59, 1966–67, 1967–68, 1968–69, 1972–73, 2011–12
• Subcampión da Terceira División (7): 1957–58, 1965–66, 1970–71, 1976–77, 1981–82, 1983–84, 1984–85
• Copa RFEF (1): 2008
• Subcampión da Copa RFEF (1): 1952

Véxase tamén

Ligazóns externas

• Sitio web non oficial
• cdourense.net: Sitio web non oficial