Clase traballadora
A clase traballadora, clase obreira ou proletariado designa o conxunto de traballadores que, dende a Revolución Industrial, achegan basicamente o factor traballo na produción e a cambio reciben un salario ou contraprestación económica, sen ser propietarios individuais dos medios de produción.[1][2] O termo contraponse así a clase capitalista ou sector social que acapara o capital, así como ó artesanato, sector onde polo xeral os traballadores son propietarios dos útiles de produción.[3]
Orixe do termo e usos[editar | editar a fonte]
O termo clase traballadora comezou a utilizarse en galego durante a segunda metade do século XIX como tradución da expresión inglesa "working class" ('clase traballadora'), termo que adquiriu importancia nos primeiros escritos socio-económicos de Karl Marx e Friedrich Engels.[4] Sociólogos posteriores como Max Weber[5] redefiniron o termo usándoo con sentidos lixeiramente diferentes, e que permaneceu en uso até os nosos días, aínda que evolucionando nos seus matices e xeneralidade do uso.
Nun sentido sociolóxico máis restrinxido, tamén se entende por clase traballadora, o grupo de traballadores industriais asalariados. Con este enfoque, diferénciase doutros grupos de traballadores como os campesiños, os escravos, os traballadores autónomos ou os empregados de servizos. Este significado do termo é equivalente ó termo inglés de blue colar workers (traballadores de pescozo azul).
En galego, o termo deixou de ser puramente descritivo e é empregado con finalidades políticas. O seu uso é frecuente dentro do marxismo, o anarquismo, o socialismo, o comunismo e o sindicalismo.
Notas[editar | editar a fonte]
- ↑ La clase trabajadora y los oprimidos, Tony Cliff
- ↑ Definición de proletariado del Manifiesto Comunista de Marx y Engels, en Marcuse y los sujetos
- ↑ Manuscritos de Economía y Filosofía (1844) Arquivado 30 de outubro de 2014 en Wayback Machine., Karl Marx, Caum, consultado el 7/12/2013
- ↑ Principios del comunismo, F. Engels
- ↑ Véase La ética protestante y el espíritu del capitalismo
Véxase tamén[editar | editar a fonte]
Bibliografía[editar | editar a fonte]
- Benson, John (2003). The Working Class in Britain, 1850–1939. Londres: I.B. Tauris. ISBN 978-1-86064-902-8.
- Connell, Raewyn; Irving, Terry (1980). Class Structure in Australian History. Melbourne: Longman Cheshire.
- Engels, Friedrich (1968). The Condition of the Working Class in England. Traducido por Henderson, W. O.; Chaloner, W. H. Stanford, California: Stanford University Press. ISBN 978-0-8047-0634-6.
