Fita adhesiva

Dous tipos de fitas adhesivas.

A fita adhesiva é unha fita preparada que se utiliza para unir obxectos de maneira temporal, e ás veces tamén de forma permanente, ou simplemente para cubrir un obxecto cunha película protectora. A fita adhesiva xeralmente preséntase en forma de rolo, e elabórase con caucho sen tratar, levando unha emulsión adhesiva por unha cara, aínda que existen variedades adhesivas por ambas as caras.

Historia

Foi inventada en 1925 por Richard Drew, da empresa 3M (Minnesota Mining and Manufacturing). A fita orixinal era de papel coa substancia adherente no dorso, e a partir desta creáronse as fitas transparentes e outras.

O invento de Drew foi comercializado como Scotch Tape.

Fitas adhesivas gaffer.

Uso na arte

A fita adhesiva é utilizada por artistas contemporáneos que se inspiran nela e a usan como material de creación. Por exemplo, o francés Yorga considera a fita adhesiva como unha arte en si mesma. E o inglés Jim Lambie utilizouna como un parterre coas cores do arco da vella, o franco-belga Olivier Blanckart creou esculturas orixinais, e o belga Gilcozar utilízaas esmagándoas sobre o lenzo.

Véxase tamén

Outros artigos

• Fita americana