Pobo chukchi

Pobo chukchi
Familia chukchi e o seu can siberiano, a comezos do século XX.
Poboación
Poboación total: 15 938 (censo de 2002)
Rexións principais:
Rusia	15 908
Ucraína	30
Estonia	11
Aspectos culturais
Lingua	Chukchi, ruso
Relixión	Xamanismo e ortodoxia rusa

Os chukchis (en ruso: чукчи (plural) e чукча (singular) son un pobo, de tradición nómade, nativo de Siberia (Rusia). Son cazadores de renos e viven en tendas de pel de reno, que son ben vedadas para reter a calor. Habitan na Península Chukchi e no litoral do Mar de Chukchi e Mar de Bering, no océano Ártico. As súas orixes veñen dos habitantes da área do Mar de Okhotsk.

Nome

A denominación chukchi é unha adaptación ao ruso da palabra chauchu, do Chukoto, "ricos en renos". Os chukchis chámanse a si mesmos /ɬəɣʔorawətɬʔat/ (singular /ɬəɣʔorawətɬʔan/), "o pobo verdadeiro".

Grupos

Hai dous grupos de chukchis: Os da tundra ou do interior, que son os chavchu (criadores de renos); os do litoral, que son os ankalyn. O conxunto dos dous grupos é denominado lygoravetlyan ou luorawetlan.