Christopher Lee
Na Galipedia, a Wikipedia en galego.
Christopher Frank Carandini Lee, nado o 27 de maio de 1922 en Londres, é un actor británico, coñecido por interpretar a personaxes malvados en case todos os seus filmes. Ten participado en máis de 200 películas desde o ano 1948. A súa gran afección ao deporte, así como a súa altura (mide 1,96 metros), convertérono nun dos actores cun físico máis impresionante do panorama cinematográfico internacional.
