Chocalla

Chocalla.

Unha vaca coa chocalla pendurada do pescozo

Denomínase chocalla, chocallo ou choca á campaíña metálica, feita con chapa de ferro ou cobre, que pendura do pescozo dalgúns animais e que serve para saber onde paran e para podérense vixiar con maior facilidade. En Galiza, amais de nas vacas, tamén é habitual o emprego de chocallas en cabras, carneiros e outros ruminantes.

Refraneiro

• Quen perde o almallo, búscalle o chocallo.
• Chocallo de prata e bois rombós son as boas señaes do labrador.
• Chouco, chouco, chouco, os chocallos meus e as vaquiñas doutro.
• Ao que ten pouco bois, antóxanselle os chocallos.
• A boi vello, chocallo novo.
• Boi sen chocallo pérdese polo atallo.
• ¿Sona o chocallo? Gado vén.
• Onde vai o chocallo vai o fato.

Véxase tamén

Bibliografía

• Refraneiro Galego da Vaca. Centro de investigacións lingüísticas e literarias Ramón Piñeiro.