Chaloner Ogle

Na Galipedia, a Wikipedia en galego.
Sir Chaloner Ogle

Chaloner Ogle, nado en 1681 e finado o 11 de abril de 1750, foi un almirante británico.

Traxectoria[editar | editar a fonte]

Pertencía á rama de Kirkley da familia Ogle de Northumberland. Capitán do HMS Swallow desde 1721, dirixiu accións contra os piratas na costa occidental africana. Entre o 5 e o 10 de febreiro de 1722 derrotou[1] a frota pirata de Bartholomew Roberts formada por tres navíos. Por esa acción o rei nomeouno cabaleiro. En 1741 como almirante dirixiu un ataque británico contra tres fortes en Cartagena de Indias durante o sitio de Sitio de Cartagena de Indias da Guerra da Orella de Jenkins. O 4 de setembro de 1742 xulgárono por asalto contra Edward Trelawny, gobernador de Xamaica durante unha disputa entre este e o almirante Edward Vernon, Ogle foi declarado culpable[2] pero seguiu a súa carreira na Mariña Real e desde 1746 representou á cidade de Rochester no Parlamento británico[3].

Notas[editar | editar a fonte]

  1. Johnson, Charles, A General History of the Robberies and Murders of the Most Notorious Pirates, 1724.
  2. Thomas Southey, Chronological History of the West Indies, 1827
  3. Mark Noble e James Granger A Biographical History of England, from the Revolution to the End of George I's Reign, 1806, páxina 232