Cereixa, A Pobra do Brollón
| Cereixa | |
|---|---|
| Concello | A Pobra do Brollón |
| Área | 7,52 km² |
| Poboación | (Ano 2007) 160 hab. |
| Densidade | 21,28 hab./km² |
| Entidades de poboación | 11 |
San Pedro de Cereixa é unha parroquia da Pobra de Brollón na provincia de Lugo. Pertence ó arciprestado de Santalla de Rei.
Limita ao norte coas parroquias de Eixón e Castrosante, ao sur con Pinel e Abrence, ao leste coa Pobra do Brollón e Castroncelos, e ao oeste con Fornelas e Chavaga.
Índice |
[editar] Demografía
En 2008 contaba con 160 habitantes, 81 homes e 79 mulleres, agrupados en 11 entidades de poboación, cunha densidade de 21,28 hab./km².
A súa poboación disminuíu notablemente dende 1991, cando tiña 227 habitantes.
[editar] Historia
Na zona de Alende hai restos do castro de Alende.
Nesta parroquia naceu María Castaña, impulsora das revoltas contra o bispo de Lugo no s. XIV. Na zona de Nogueiras hai os restos dun muíño no que a fidalga se reunía para planear as revoltas.
[editar] Patrimonio artístico
- Igrexa de San Pedro, ten nave de planta rectangular, muros de cachotaría e cuberta a duas augas con tellado de lousa. No interior conserva esculturas.
- Capela de Nogueiras.
[editar] Festividades
As festas da parroquia celébranse na honra á Virxe do Rosario, en outubro.
[editar] Lugares e parroquias
[editar] Lugares de Cereixa
| Lugares da parroquia de Cereixa no concello da Pobra do Brollón (Lugo) | |
|---|---|
|
A Albariza | Alende | As Areas | Cima de Vila | A Estación | O Falcón | A Ponte | Guntiñas | Nogueiras | Rairos | A Zapateira |
