Cerdeira

Na Galipedia, a wikipedia en galego.

Artigo nos seus primeiros pasos. Este artigo relacionado coa botánica é, polo de agora, só un bosquexo. Traballa nel e contribúe a que a Galipedia mellore e medre. Existen igualmente outros artigos relacionados coa botánica que precisan de revisión e nos que posibelmente tamén poidas contribuír.

Cerdeira
Clasificación científica
Reino: Plantae División: Magnoliophyta Clase: Magnoliopsida Orde: Rosales Familia: Rosaceae (subfamilia: Prunoideae) Xénero: Prunus (subxénero: Cerasus)
Nome científico
Prunus cerasus
Coñeza toda a Bioloxía en Wikispecies, o directorio dos seres vivos

A cerdeira ou cereixeira (e cereixal na maior parte do dominio do galego oriental) (Prunus cerasus) é unha árbore que pertence á familia das Rosaceae e ao xénero Prunus (como as amendoeiras, os pexegueiros, as ameixeiras, e os albaricoqueiros).

A guindeira (Prunus avium) é parecida, con froitas doces e moitas veces de cor escura pero as froitas da cerdeira son ácidas e moitas veces de cor encarnada brillante. As dúas especies son orixinarias de Europa e de Asia occidental. Existen grandes hortas comerciais desde a Península Ibérica até Anatolia e as cerdeiras cultívanse até Gran Bretaña e o sur de Escandinavia. En América do Norte as doces cultívanse sobre todo no oeste e as ácidas na rexión dos Grandes Lagos.

Tamén unha especie silvestre de América do Norte, o capulín (Prunus virginianus), produce unhas froitas agres pero de olor agradábel que se usan en México e Estados Unidos nos confeitos e outras comidas doces.

A madeira das cerdeiras é dura e de cor castaña clara, e úsase para a fabricación de mobles.

As cerdeiras plántanse moitas veces polas súas flores que aparecen na primavera. Unhas variedades ornamentais teñen os estames transformados en pétalos adicionais, así que non dan froitas senón que se cultivan só polo seu valor decorativo. En especial, o xaponés 桜 (sakura) é un símbolo nacional celebrado na festa anual "Hanami".

[editar] Tipos de cerdeiras

• Cerdeira común
• Cerdeira gregoriana
• Cerdeira silvestre
• Cerdeira xaponesa