Centro de Supercomputación de Galicia

Na Galipedia, a Wikipedia en galego.
Entrada ao CESGA.

O Centro de Supercomputación de Galicia (CESGA) é un centro de cálculo de altas prestacións radicado en Galicia. Proporciona servizos de cálculo e comunicacións ás comunidades investigadoras galegas, ao CSIC e a calquera empresa ou institución que o solicite.

Finalidade e características[editar | editar a fonte]

Entre as súas instalacións conta co supercomputador Finisterrae, a terceira máquina máis potente de España tralos superordenadores Marenostrum e Magerit, segundo o ranking TOP500. Proporciona servizos avanzados da Comunidade Científica Galega, sistema académico universitario e do Consejo Superior de Investigaciones Científicas (CSIC).

Institucións[editar | editar a fonte]

O CESGA divídese en dúas institucións:

  • Fundación Centro Tecnolóxico de Supercomputación de Galicia (Fundación CESGA)
  • Sociedade Anónima de Xestión Centro de Supercomputación de Galicia (SAX CESGA)

A Fundación CESGA é unha institución sen ánimo de lucro na que os seus patróns pertencen á Xunta de Galicia e mais ó CSIC. A SAX CESGA constitúese como unha Sociedade Anónima de Xestión na que participan Xunta de Galicia cun 70 % do capital e o CSIC co 30% restante. A SAX CESGA nace do compromiso da Xunta de Galicia de promover servizos comúns de apoio ás tarefas de investigación, e por outra banda, do interese do CSIC de promover en Galicia un entorno de traballo no área do cálculo intensivo, comunicacións e servizos avanzados na sociedade da información e o coñecemento.

Evolución do equipamento[editar | editar a fonte]

Nodos HP-SFS sistema de almacenamento.

En 1993 inaugurase o CESGA. Contaba cun superordenador vectorial Fujitsu VP 2400 e unha rede de comunicacións coas universidades galegas e os centros do CSIC afincados en Galicia de baixa capacidade de acceso.

En 1998 substitúese o Fijitsu VP 2400 por dous novos supercomputadores.

  • Fujitsu VPP300E, un supercomputador vectorial cunha arquitectura de multiprocesador en paralelo; constaba de 6 procesadores, unha memoria 12 GB, unha rede de interconexión entre nodos que podía alcanzar velocidades de 1230MB/s e pode almacenar 560GB de información. Con todo isto conseguíase un rendemento de 14.4GFLOPS
  • Fujitsu AP3000, un supercomputador escalar paralelo con memoria distribuída. Estaba composto por 20 procesadores, 2.5 GB de memoria principal e unha capacidade de almacenamento de 67.2 GB; os nodos conéctanse mediante dous sockets Torus 2D, cada un pode transmitir a 200MB/s. Conseguíanse rendementos de 12GFLOPs

Durante o ano 1999 ponse en produción un novo supercomputador de altas prestacións, o Sun Microsystems HPC (High Performance Computing) 4500. Este novo computador alcanzaba rendementos de 9.6 GFLOPS estaba organizado nunha arquitectura de memoria compartida (SMP) e organizábase en 12 procesadores a 400MHz cada un, 4 GB de memoria principal e 36GB de almacenamento

O Superordenador Virtual Galego (SVG) nace no ano 2001 sendo un conxunto heteroxéneo de servidores. Componse de:

  • 18 servidores que proporcionan 36 procesadores Pentium III a velocidades que oscilan entre os 550-800MHz, con memoria principal de 512 a 1GB, cun disco por cada nodo de 40GB e unha rede de interconexión entre nodos FastEthernet de 100Mbit/s.
  • 40 servidores de dobre procesador Quad-Core (catro cores por procesador) Intel Xeon a 1.6GHZ e 2.66 GHz con capacidade de almacenamento de 72GB mediante tecnoloxía SAS, a memoria principal varía de entre 4 a 8GB e unha rede de interconexión GigabitEthernet.
  • 2 servidores Pentium Xeon64 a 3.2 e 3GHz.
  • 1 servidor con dous procesadores AMD Opteron a 1.8GHz cunha memoria de 4GB e memoria de almacenamento con tecnoloxía SATA con capacidade de 160GB.

O supercomputador HPC320 implantase en 2002, componse de 8 servidores que proporcionan 32 CPUs a 1GHz, a memoria principal total do sistema ascende a 80GB distribuído en nodos de 8 e 16GB. Este clúster proporciona unha rede de interconexión de baixa latencia mediante unha rede memoria Memory Channel II e alto ancho de banda. A capacidade de almacenamento total é de 2TB. O máximo rendemento obtido probando o venchmark Linpack foi de 45GFlops.

No ano 2003 adquírese o Superdome un superordenador formado por dos servidores que proporcionan 64 procesadores Intel Itanium2 a 1.5GB e unha memoria principal de 384 GB, o sistema de almacenamento está composto de 128 discos SCSI que gardan un total de 4.6TB de información. Aplicando o benchmark anterior conseguiu un rendemento de 642GFLOP o que logrou situalo no posto 227 do TOP500 no ano 2003

O Finisterrae é un sistema de integrado por 144 de memoria compartida cunha arquitectura SMP adquirido en 2007. A distribución dos nodos é a seguinte:

  • 142 nodos con 16 núcleos Itanium Montvale e 128 GB de memoria por cada un.
  • 1 nodo con 128 núcleos Itanium Montvale e 1 TB de memoria.
  • 1 nodo con 128 núcleos Itanium 2 e 384 GB de memoria.

Dispón de unha rede Infiniband 4x DDR a unha velocidade 20Gbps que da soporte a interconexión entre nodos e unha rede externa de 10 Gbps. O Finisterrae rompe coa barreira do TeraFLOP alcanzando os 20TFLOPS, acadando a principios do 2008 acada o posto 100 no TOP500

Véxase tamén[editar | editar a fonte]

Commons
Commons ten máis contidos multimedia na categoría: Centro de Supercomputación de Galicia

Ligazóns externas[editar | editar a fonte]