Cenlle, Cenlle

Cenlle
Situación da parroquia no concello de Cenlle.
Concello	Cenlle
Área	- km²
Poboación	(Ano 2004) 310 hab.
Densidade	- hab./km²
Entidades de poboación	6

Santa María de Cenlle é unha parroquia do concello de Cenlle, provincia de Ourense. O Curato é de entrada e provisión ordinaria.

Xeografía

Está situada nun outeiro no centro do concello lindando polo norte con San Fiz de Navío, ao leste con Razamonde e Vilar de Rei, ao sur con Sadurnín e ao oeste coa Pena.

O terreo é pedregoso dominado polo monte Barazal dende o cal se divisa case todo o partido xudicial de Ribadavia e parte do de O Carballiño.

Patrimonio

No monte Barazal existe unha ermida de San Breixo e na praza do mesmo nome atopábase a casa chamada A Tenencia, que era do Cabido de Ourense, con 1.800 xornais de terra, lugar onde recollía os froitos que anualmente recollía en concepto de foros e rendas. Tamén existe unha capela de San Bieito de propiedade particular.

Nesta parroquia existían dous escudos hoxe desaparecidos e un "cemiterio de brasóns", que alude aos apelidos Pallarés e Piñeiro. Leva unha man portando un feixe de espigas, un castelo e un piñeiro.

Tamén había unha almea que se atopaba na entrada dunha casa, que con dous mais iguais, facían un conxunto do portalón da casa e que puideran corresponder co apelido Deza, dado que cada un leva unha flor de lis. Atópase na actualidade en mans dun anticuario.

Festas

Celébranse as súas festas patronais o día da Asunción, o 14, 15 e 16 de agosto.

Lugares e parroquias

Parroquias de Cenlle

As dez parroquias que conforman o concello de Cenlle.

Véxase tamén

Outros artigos

• Lugares de Cenlle