Celestino II, papa

Na Galipedia, a Wikipedia en galego.
Papas do século XII
Antipapas

Colestin II.gif

Celestino II (nado en Citá di Castello e falecido en Roma o 8 de marzo de 1144), foi o Papa nº 167 da Igrexa Católica.

Traxectoria[editar | editar a fonte]

De nome Guido di Castello, foi nomeado cardeal de San Marcos por Honorio II en 1128. En 1140 foi elixido legado pontificio de Inocencio II en Francia, o que lle permitiu coñecer a Pedro Abelardo e converterse en alumno seu e condiscípulo de Arnaldo de Brescia. Esta relación enfrontou ó futuro papa con Bernardo de Claraval, que lle reprochaba a protección que brindou a Arnaldo.

O acto máis significativo do seu breve pontificado foi a anulación, mercede á intercesión de Bernado de Claraval, da excomuñón que sobre o rei francés Luís VII ordenara Inocencio II.

San Malaquías[editar | editar a fonte]

Celestino II foi o primeiro papa en aparecer nas profecías de San Malaquías, ó que se refire como "Ex castro Tiberis" (Do castelo do Tíber), cita que fai referencia ó seu lugar de nacemento.