Cefalaspidomorfos

Na Galipedia, a Wikipedia en galego.
Cefalaspidomorfos
(Cephalapsidomorphi)
Reconstrución de Cephalaspis lyellii
Reconstrución de Cephalaspis lyellii
Clasificación científica
Reino: Animalia
Filo: Chordata
Subfilo: Vertebrata
Superclase: Agnatha
(sen clasif.): Cephalaspidomorphi
Grupos
Fósil de Cephalaspis lyelli.

Os cefalaspidomorfos (Cephalaspidomorphi) son un grupo de peixes sen mandíbulas (ágnatos). A maioría dos seus membros están extintos; porén, as lampreas actuais son ás veces consideradas cefalaspidomorfos, co que o seu rango cronolóxico se estendería desde o silúrico e o devónico até os nosos días.

Clasificación[editar | editar a fonte]

En 1927, Stensiö [1] recoñeceu por primeira vez aos cefalaspidomorfos, nos que incluíu os osteostráceos, os anáspidos e as lampreas, xa que todos estes grupos compartían a presenza dun só orificio nasal dorsal, coñecido como abertura nasohipofisaria.

Desde entón, as opinións sobre os vertebrados sen mandíbulas cambiaron.[2]

Os ágnatos son probabelmente un grupo parafilético do cal xurdiron os gnatóstomos (peixes con mandíbulas) cuxa orixe podería estar entre os cefalaspidomorfos polo feito de compartiren a presenza de aletas pares.

Algúns zoólogos non usan o nome Cephalaspidomorphi, xa que as relacións entre osteostráceos e anáspidos non están claras, e as afinidades das lampreas tamén son dubidosas.

Outros restrinxiron o grupo dos cefalaspidomorfos para incluír nel só os grupos claramente relacionados cos osteostráceos, como Galeaspida e Pituriaspida, que eran practicamente descoñecidos nos anos 1920.

Situación sistemática das lampreas[editar | editar a fonte]

Moitos autores consideran aínda os cefalaspidomorfos como unha clase cun só grupo actual, as lampreas (petromizontiformes). Algunhas obras de referencia e bases de datos consideran Cephalaspidomorphi como unha clase linneana cuxos únicos representantes viventes son as lampreas.[3]

Pero as evidencias suxiren que as lampreas adquiriron os caracteres que comparten cos cefaláspidos por evolución converxente.[4] [5]

Por iso, moitas obras máis recentes sobre os peixes clasifican as lampreas nun grupo separado, os Petromyzontida ou Hiperoartios.[6]

Notas[editar | editar a fonte]

  1. Stensiö, E. A. (1927): The Devonian and Downtonian vertebrates of Spitsbergen. 1. Family Cephalaspidae. Skrifter om Svalbard og Ishavet, 12, 1-391.
  2. Janvier, P. (1998): Early Vertebrates. Oxfordf/NewYork: Oxford University Press. ISBN 0-19-854047-7
  3. Nelson, Joseph S. (1994). Fishes of the World (Third ed.). John Wiley and Sons. ISBN 0-471-54713-1.
  4. Forey, Peter, & Janvier, Philippe (2000). "Agnathans and the origin of jawed vertebrates". En Gee, Henry. Shaking the tree: readings from Nature in the history of life. USA: University of Chicago Press; Nature/Macmillan Magazines. pp. 251–266. ISBN 978-0-226-28497-2.
  5. Janvier, Philippe (2008). "Early Jawless Vertebrates and Cyclostome Origins". Zoological Science 25 (10): 1045–1056. DOI:10.2108/zsj.25.1045. PMID 19267641.
  6. Nelson, J. S. (2006). Fishes of the World (4th ed.). New York: John Wiley and Sons, Inc. pp. 601 pp.. ISBN 0-471-25031-7.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]