Cedric Bixler-Zavala

Na Galipedia, a Wikipedia en galego.
Cedric Bixler-Zavala
Data nacemento4 de novembro de 1974 (49 anos)
Nado enRedwood City, California
Ocupacióncantante, compositor e guitarrista
Instrumento(s)voz, batería
Relacionado conThe Mars Volta, At the Drive-In, De Facto, The Fall on Deaf Ears, El Grupo Nuevo de Omar Rodríguez López
Tempo en activo1993 - actualidade
Na rede
IMDB: nm3023097 Twitter: cedricbixler_ Spotify: 4SG3PQI9sZbZ7kx4IrXq1l Musicbrainz: 9fbad54c-2733-41ac-a621-9f26064f4fb7 Discogs: 163568 Genius: Cedric-bixler-zavala Editar o valor em Wikidata
editar datos en Wikidata ]

Cedric Bixler-Zavala, nado en Redwood City (California) o 4 de novembro de 1974, é o cantante, letrista e líder da banda de rock progresivo The Mars Volta, e anteriormente foi líder e vocalista do grupo de post-hardcore At The Drive-In. Tamén toca a batería en varias outras bandas, entre elas De Facto.

Traxectoria[editar | editar a fonte]

Fillo de pais mexicanos, foi criado na cidade de El Paso (Texas), onde coñeceu ao seu colaborador e amigo Omar Rodríguez-López, co cal formou as bandas At the Drive-In, The Mars Volta e De Facto.

Na súa etapa con At the Drive-In, Cedric adoitaba cantar as cancións a berros. Pero para o seu traballo con The Mars Volta, Cedric deixou de lado parte dos seus emotivos berros de xuventude para cantar nun rexistro máis alto (melismaticamente). Nalgúns momentos poderíase dicir que se achega ao rexistro de asubío. Tamén é notábel por experimentar continuamente con efectos vocais, acadando que soe coma se cantase a través dun teléfono, baixo a auga ou cunha gorxa mecánica. Omar Rodríguez-López chegou a comentar que a cantidade de distorsión na voz de Cedric en The Mars Volta imposibilita o uso dun guitarrista rítmico.

As letras de Cedric adoitan ser bastante abstractas, ata o punto que chegan a non ter sentido. Estas letras son mestura de metáforas constantes, a miúdo relacionado co grotesco. El mesmo citou influencias como Werner Herzog, Luis Buñuel, Doctor Who e algúns contos folclóricos mexicanos. Debido á súa proximidade con Latinoamérica e a influencia de Omar Rodríguez-López, de orixe portorriqueño, tamén experimentou con letras bilingües en castelán-inglés, nas que alterna ámbolos dous idiomas varias veces ao longo da mesma canción. O álbum criticamente aclamado De-Loused in the Comatorium foi acompañado por unha novela co mesmo nome, escrita por Cedric e Jeremy Ward co estilo metafórico das súas letras. Esta novela conta a historia de Cerpin Taxt, pseudónimo do seu amigo escritor Julio Venegas, que estivo en coma durante anos e cando espertou decidiu saltar dende unha ponte na cidade de El Paso.

Bixler-Zavala tocou a batería na banda de dub reggae experimental De Facto, e ocasionalmente a guitarra e a batería con At the Drive-In.

Baixo o seudónimo "Alavaz Relxib Cirdec" ("Cedric Bixler-Zavala" ao revés), Cedric contribuíu cun sinxelo de dous temas ás GSL Special 12" Singles Series, editado en decembro do 2005. Máis próximo ao dub de De Facto e ao ambiente experimental dos discos de Omar Rodríguez-López que ao rock progresivo de The Mars Volta, os dous temas que produciu baixo este alias son enteiramente instrumentais, coa excepción de samplers de discursos que poden escoitarse en "Live Private Booths". Este tema ten un estilo funky con frauta, batería, baixo, guitarras e samples, mentres que o outro, "Sapta-Loka", é unha exploración máis ambiental de música pedal oriental, con instrumentos máis sutís.

Historial de bandas[editar | editar a fonte]

Aparicións como convidado[editar | editar a fonte]