Categoría Primeira A

Na Galipedia, a Wikipedia en galego.
Categoría Primeira A
Fundación 1948
Rexión Flag of Colombia.svg Colombia
Equipos 18
Actual campión CPD Junior (7º)
Máis laureado Millonarios FC (13)
CD América (13)
Sitio web Páxina oficial

A Categoría Primeira A é a primeira división da liga profesional de fútbol que se disputa en Colombia, organizada pola División Mayor del Fútbol Colombiano "Dimayor", que pertence á Federación Colombiana de Fútbol.

A primeira edición do campionato colombiano disputouse no ano 1948, composta por 12 equipos; con 2 equipos de Bogotá, 2 de Cali, 2 de Medellín, 2 de Manizales, 1 de Barranquilla e 1 de Pereira; resultando campión o Santa Fe CD de Bogotá. Dende 1948 ate 2011 14 clubs teñen acadado polo menos 1 título de campión, sendo os máis laureados o Millonarios FC de Bogotá e o CD América de Cali, con 13 títulos cada un. O actual campión é o CPD Junior de Barranquilla.

Dende 2002 dispútanse dous torneos por tempada, Apertura e Finalización, saindo dous equipos campións cada ano. Cada torneo componse por unha tempada regular de 18 xornadas, nas que cada equipo enfróntase unha vez cos outros 17, mais un encontro extra de rivalidade rexional. Trala tempada regular os 8 primeiros equipos da táboa clasificatoria dispútanse o título nas eliminatorias finais. As eliminatorias polo título parten da rolda de cuartos de final, e son a ida e volta, incluída a propia final.

Os equipos campións do torneo Apertura e do torneo Finalización, así como o restante equipo que mais puntos acada na suma dos 2 torneos, teñen dereito a disputar a Copa Libertadores no ano seguinte.

A representación dos equipos da liga colombiana na máxima competición continental ó longo da historia foi pouco salientable. Dende 1960 ate 2011 houbo 9 finais da Copa Libertadores con presencia de equipos desta liga, das cales só 2 remataron coa vitoria colombiana, en 1989 (CDC Atlético Nacional) e 2004 (CD Once Caldas).

Equipos 2012[editar | editar a fonte]

Estadio Pascual Guerrero de Cali.
Estadio Nemesio Camacho en Bogotá.

Na táboa de equipos que participarán polo título do torneo Apertura 2012 cabe salientar a ausencia do CD América, que descendeu de categoría en 2011.

Equipo Cidade Estadio Capacidade
Atlético Huila Neiva Estadio Guillermo Plazas Alcid 27.000
Atlético Nacional Medellín Estadio Atanasio Girardot 40.943
Boyacá Chicó Tunja Estadio de La Independencia 20.000
Cúcuta Deportivo Cúcuta Estadio General Santander 45.000
Deportes Quindío Armenia Estadio Centenario 20.716
Deportes Tolima Ibagué Estadio Manuel Murillo Toro 31.000
Deportivo Cali Cali Olímpico Pascual Guerrero 33.130
Deportivo Pasto Pasto Departamental Libertad 27.380
Envigado FC Envigado Estadio Polideportivo Sur 14.000
Independiente Medellín Medellín Estadio Atanasio Girardot 40.943
Itagüí Ditaires Itagüí Estadio Metropolitano Ciudad de Itagüí 12.000
Junior Barranquilla Estadio Metropolitano Roberto Meléndez 46.788
La Equidad Bogotá Estadio Metropolitano de Techo 10.000
Millonarios Bogotá Estadio Nemesio Camacho El Campín 36.343
Once Caldas Manizales Estadio Palogrande 28.678
Patriotas Tunja Estadio de La Independencia 20.000
Real Cartagena Cartagena Olímpico Jaime Morón León 16.068
Santa Fe Bogotá Estadio Nemesio Camacho El Campín 36.343

Palmarés[editar | editar a fonte]

Na seguinte táboa amósase o palmarés da liga colombiana de fútbol segundo o número de títulos acadados por cada club. No caso de igual número de campionatos obtidos, vai en primeiro lugar o equipo con mais subcampionatos. Así, Millonarios FC ten 9 subcampionatos, mentres CD América ten 7.

Nº Títulos Equipo Campionatos obtidos
13 Bogotá Millonarios FC 1949, 1951, 1952, 1953, 1959, 1961, 1962, 1963, 1964, 1972, 1978, 1987, 1988
13 Cali CD América 1979, 1982, 1983, 1984, 1985, 1986, 1990, 1992, 1996/97, 2000, 2001, Ap.2002, Fi-2008
11 Medellín Atlético Nacional 1954, 1973, 1976, 1981, 1991, 1994, 1999, Ap-2005, Ap-2007, Fi-2007, Ap-2011
8 Cali Deportivo Cali 1965, 1967, 1969, 1970, 1974, 1995-96, 1998, Fi-2005
7 Barranquilla Junior 1977, 1980, 1993, 1995, Fi-2004, Ap-2010, Fi-2011
6 Bogotá Santa Fe 1948, 1958, 1960, 1966, 1971, 1975
5 Medellín Independiente Medellín 1955, 1957, Fi-2002, Ap-2004, Fi-2009
4 Manizales Once Caldas 1950, Ap-2003, Ap-2009, Fi-2010
1 Ibagué Deportes Tolima Fi-2003
1 Armenia Deportes Quindío 1956
1 Pasto Deportivo Pasto Ap-2006
1 Cúcuta Cúcuta Deportivo Fi-2006
1 Tunja Boyacá Chicó Ap-2008
1 Santa Marta Unión Magdalena 1968

Véxase tamén[editar | editar a fonte]

Ligazóns externas[editar | editar a fonte]