Castejón

Castejón é un municipio situado na Comunidade Foral de Navarra, no meiriñado de Tudela, a 78 km da capital provincial, Pamplona. Limita cos concellos de Valtierra ao norte, Tudela ao leste e ao sur, con Corella ao suroeste, e co concello rioxano de Alfaro ao oeste.

Castejón, á beira dereita do río Ebro e a un paso da Rioxa, tivo un castelo que se cita xa no século XII. Por aí pasaba o camiño real de Pamplona a Madrid, con servizo de barca e barqueiro para o cruzamento do río. Logo, na segunda metade do século pasado, escolleuse este punto como nó dos ferrocarrís do Nordeste de España. Con iso a poboación foi crecendo, ata que en 1927 deixou de ser barrio de Corella e foi declarado municipio independente.

Demografía

Evolución da poboación

1975	1981	1986	1991	1996	2001	2006
3.568	3.346	3.332	3.151	3.173	3.273	3.887

Monumentos

• Igrexa parroquial de San Francisco Xavier
• Museo do ferrocarril
• Antiga fábrica fariñeira
• Ponte "Sancho o maior"
• Antiga Casa de Quirós

Festas

• Festas da Virxe do Amparo, do 27 de xuño ao 2 de xullo, ambos inclusive.
• Festas de inverno, último fin de semana de novembro ou primeiro de decembro.
• Festas da xuventude, en marzo ou abril.

Persoeiros de sona

• Julio Antonio Elícegui, futbolista internacional (1910-2001)
• Javier Tejada Palacios, físico e catedrático da Universidade de Barcelona
• Jokin Muñoz, escritor (1963-)

Ligazóns externas

• Web oficial de Castejón