Casa da Axudantía

Casa ocupada durante moito tempo pola Axudantía de Marina en Ribadeo

A casa da Axudantía é unha casa de indianos situada na rúa de San Roque nº 14 de Ribadeo, nun grupo de catro casas de indianos xunto á casa de Torres, a casa de Rodríguez Blas e a casa de Andés. Do outro lado está a capela de San Roque.

Características

Trátase dunha casa de orixe unifamiliar construída en 1886 promovida por Francisco López García, e é de estilo ecléctico. Ten tres plantas e baixocuberta, de 265m² (medidas polo SIXPAC). Ten cerrazón da leira con murete e enreixado.

Ten acceso con escaleiras na planta baixa. As tres plantas teñen un aspecto moi diferente xa na fachada principal: na entrada, dúas columnas de fundición manteñen o balcón superior, con miradoiros metálicos a ambos lados.

Durante moitos anos foi a sede da Axudantía de Marina.

Véxase tamén

Bibliografía

Casas de Indianos. AAVV. Xunta de Galicia, 2000

Outros artigos

• Casas de Indianos en Ribadeo