Carlos García Martínez

Carlos García Martínez, nado en Santiago de Compostela en 1945, é un historiador e dinamizador cultural galego.

Traxectoria

Licenciado en Dereito en 1968, asumiu a dirección do Museo do Pobo Galego despois da morte de Antón Fraguas, entidade na que xa fora previamente patrono mentor e fundador, asumindo despois labores de secretario e de subdirector. Foi tamén membro do Instituto de Estudos Galegos Padre Sarmiento, académico correspondente da Real Academia Galega, integrante da Comisión Xestora do novo Seminario de Estudos Galegos, patrón fundador da Fundación Castelao, da Fundación Pedrón de Ouro, socio fundador da Asociación de Amigos do Museo do Castro de Viladonga, presidente do Consello Galego de Museos e socio da Asociación de Escritores en Lingua Galega.

Foi galardoado co Premio Trasalba, outorgado pola Fundación Otero Pedrayo, no ano 1999.

Obras

Ensaio

• Arte rupestre en Campo Lameiro, 1973, Concello de Campo Lameiro.
• Morfoloxía castrexa das Terras de Compostela.
• Tipoloxía da vivenda popular galega.
• De alicerces e devocións: unha ollada arredor das orixes, 1999, Fundación Otero Pedrayo.

Edicións

• De varia etnográfica, de Xaquín Lorenzo, 2004, La Voz de Galicia.

Obra en castelán

Ensaio

• Cista y ajuar funerario de Atios.

Obras colectivas

• Galicia eterna (I), 1980, Nauta (Barcelona). Con Francisco Fariña Busto e Ana María Romero Masiá.

Véxase tamén

Ligazóns externas

• Ficha do autor na AELG