Carlos González Reigosa

Na Galipedia, a wikipedia en galego.

Carlos González Reigosa, nado en Lagoa da Pastoriza, o 2 de setembro de 1948, é un escritor e xornalista galego.

Índice 1 Traxectoria profesional 2 Obras 2.1 En galego 2.2 En castelán 3 Notas 4 Véxase tamén 4.1 Ligazóns externas

[editar] Traxectoria profesional

É licenciado en Ciencias da información e Ciencias Políticas. Comezou a súa carreira xornalística en La Voz de Galicia. Redactor da axencia EFE desde 1974, foi o seu director de información (1990-1997) e director de publicacións (1997-2004).

É autor de multitude de artigos de crítica literaria e teatral e de política internacional, publicados en xornais e revistas tanto españois como americanos.

Publicou as novelas Oxford, amén (1982), Crime en Compostela (1984) (gañadora do primeiro Premio Xerais e a iniciadora da novela negra na literatura galega, ademais dun dos libros máis vendidos en lingua galega), O misterio do barco perdido (1988), A guerra do tabaco (1996), Narcos (2001) e Intramundi (2002).

Publicou así mesmo libros de relatos curtos (Homes de Tras da Corda, As pucharcas da lembranza, Irmán Rei Artur e Os outros disparos de Billy) e de investigación e ensaio xornalístico, destacando entre eles La agonía del león (Premio Internacional Rodolfo Walsh de Literatura Testimonial en 1996).

Dirixiu varios cursos de verán sobre xornalismo e literatura nas universidades Complutense, Menéndez Pelayo (UIMP), Rey Juan Carlos e Santiago de Compostela, ademais de en diversas institucións americanas (En Miami e Os Ánxeles). Algúns destes cursos foron recollidos en libros: La información internacional en el mundo hispanohablante (1995), Información y Sociedad (1996) ou Hemingway desde España (2001).

É profesor no Máster de Relacións Internacionais da Universidade Complutense de Madrid e no Máster de Xornalismo de Axencias da Universidade Rey Juan Carlos e a Axencia EFE.

[editar] Obras

[editar] En galego

• Homes de tras da corda (1982).
• Crime en Compostela (1984).
• As pucharcas da lembranza (1984).
• Irmán Rei Artur (1987).
• O misterio do barco perdido (1988, novela).
• Fuxidos de sona (1989, ensaio, reportaxe xornalística).
• A guerra do tabaco (1996, novela).
• Narcos (2001, novela).
• Intramundi (2002).
• Pepa A Loba (2006).
• Laxeiro por si mesmo (2008).
• A vida do outro (Xerais, 2009). Premio Torrente Ballester de novela^[1].

[editar] En castelán

• Oxford, amen (1982).
• Los otros disparos de Billy (1986).
• El regreso de los maquis (1992).
• La agonía del león (1995).

[editar] Notas

[editar] Véxase tamén

[editar] Ligazóns externas

• Ficha do autor na Biblioteca Virtual Galega
• Ficha de autor na biblioteca virtual Miguel de Cervantes (en castelán).