Cardeal (ave)

Na Galipedia, a Wikipedia en galego.
Cardeal
Macho en Escocia.
Macho en Escocia.
Estado de conservación
Risco baixo (LC)
Clasificación científica
Reino: Animalia
Filo: Chordata
Clase: Aves
Orde: Passeriformes
Familia: Fringillidae
Xénero: 'Pyrrhula'
Especie: 'P. pyrrhula'
Nome binomial
''Pyrrhula pyrrhula''
(Linnaeus, 1758)

O cardeal ou cardeal de Eurasia (Pyrrhula pyrrhula) é un pequeno paxaro da familia dos frinxílidos.

Características[editar | editar a fonte]

É un pequeno paxaro, duns 10 centímetros de longo, cun gran dimorfismo sexual: o macho ten a cabeza negra, o lombo gris e un rechamante peito dun vermello intenso. Porén, a femia ten o peito algo claro, cun lombo e unha cabeza grises. Tanto o macho como a femia teñen unha fita branca nas ás.

Hábitat[editar | editar a fonte]

É un paxaro común en Europa e nas zonas tépedas de Asia. É fundamentalmente unha ave estábel, pero os exemplares que viven nas rexións máis setentrionais realizan migracións cara ao sur no verán. Vive tamén en parques e xardíns, e prefire os bosques de coníferas.

Comportamento[editar | editar a fonte]

Femia (dereita) e macho (esquerda) de cardeal
Pyrrhula pyrrhula europoea

Fai o niño en árbores e arbustos, con postas de entre catro e sete ovos. Aliméntase sobre todo de sementes e de abrochos de froiteiras.

Viven en parella ou en familias reducidas, e non forman grandes comunidades nin bandadas. Como dato curioso, os espermatozoides do cardeal son redondeados e cun acrosoma romo, feito non frecuente entre os paseriformes.

O Cardeal dos Azores, que nun comezo se crera unha subespecie deste cardeal, agora tense por unha especie de seu.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Cardeal