Canterbury

Localización de Canterbury dentro do Reino Unido

Catedral de Canterbury

Situación de Canterbury dentro do condado de Kent

Canterbury é unha pequena cidade do sueste de Inglaterra, non lonxe de Londres, sobre o río Stour, pertencente ao condado de Kent. Tiña 42.259 habitantes en 2001.

Centro relixioso

Canterbury é o principal centro relixioso do Reino Unido por ser a sede do arcebispo de Canterbury, o líder espiritual da Igrexa de Inglaterra (é, xa que logo, o segundo líder cristián máis importante de Europa, logo do Papa de Roma). Desde 2003 ocupa o arcebispado Rowan Williams.

Historia

Poboada desde tempos prehistóricos, Canterbury xa foi un centro administrativo romano. Co fin da dominación de Roma, a cidade foi invadida polos xutos que asentaron alí o Reino de Kent. En 597, o misioneiro Agostiño desembarcou en Canterbury co obxectivo de iniciar a conversión dos anglosaxóns. Desde entón, a cidade foi un centro da relixión cristiá, converténdose rapidamente na sede do arcebispo primado de Inglaterra. Foi un importante centro de peregrinación durante a Idade Media, e fíxose soada na obra Os Contos de Canterbury de Geoffrey Chaucer. En 1170 foi asasinado na súa catedral o arcebispo Tomé Becket.

É famosa a súa catedral, sede do arcebispo.

Cidades irmás

• Reims (Francia)
• Bloomington-Normal (Estados Unidos)
• Vladimir (Rusia).
• Esztergom (Hungría)

Véxase tamén

Ligazóns externas

Web do concello de Canterbury