Canillo

Na Galipedia, a Wikipedia en galego.

Coordenadas: 42°33′57.93″N 01°35′48.12″E / 42.5660917°N 1.5967000°E / 42.5660917; 1.5967000

Canillo
Escut de Canillo.svg
Situación xeográfica
Canillo.png
País Andorra Andorra
Parroquia Canillo
Xeografía
Altitude 1.526 msnm
Superficie 110 km²
Poboación
Poboación 4.826 hab. (2011)
Densidade 43,87 hab/km²
Xentilicio Canillenc/a
Información
Código postal AD100
Alcalde Josep Mandicó i Calvó
Páxina web www.canillo.ad

Canillo é unha parroquia de Andorra, a máis extensa das sete cunha superficie de 120,86 km² e a primeira por orde protocolaria. En 2011 tiña 4.826 habitantes. A pesar de ter vocación turística, a parroquia de Canillo conserva aínda moitos trazos gandeiros e agrícolas.

Xeografía[editar | editar a fonte]

A parroquia esténdese ao nordés do Principado sobre o eixo da val da Valira d'Encamp, e limita coas parroquias de Encamp ao sur, Ordino polo oeste e co departamento francés do Ariège ao norte e leste.

A súa altitude varía entre os 1.400 e os 2.913 metros sobre o nivel do mar. O clima é frío e seco, e a neve que cobre as cimas e montañas durante os meses de inverno fana unha parroquia na que se pode gozar plenamente do sol, a neve e a montaña.

Demografía[editar | editar a fonte]

Vista do santuario de Caselles

A parroquia de Canillo tiña unha poboación de 4.826 habitantes en 2011. Está constituída polos pobos e núcleos urbanos de Soldeu, el Tarter, Ransol, els Plans, l'Aldosa de Canillo, el Vilar, el Forn, Incles, Prats e Meritxell. Canillo é a capital, cun total de 2.186 habitantes (2009).

Lugares de interese[editar | editar a fonte]

Na parroquia de Canillo atópanse o Santuario da nosa Señora de Meritxell, patroa do Principado, a igrexa de Sant Joan de Caselles (edificio románico de finais do século XI, cuxo campanario é de estilo lombardo) e tamén o Palacio de Xeo de Andorra, con máis de 8.000 m². e unha pista de xeo de dimensións olímpicas.

Igualmente, en Canillo pode visitarse Grandvalira, a estación de esquí máis extensa de Andorra, na que a neve está garantida durante toda a tempada.

Véxase tamén[editar | editar a fonte]


Ligazóns externas[editar | editar a fonte]

Commons
Commons ten máis contidos multimedia na categoría: Canillo