Candela Peña

María del Pilar Peña Sánchez, coñecida polo seu nome artístico de Candela Peña, é unha actriz española nacida en Gavà (Barcelona) o 14 de xullo de 1973.

Púxose Candela por un fragmento de La Casa de Bernarda Alba onde dicían "¿encendieron la candela?", cando os seus compañeiros de instituto lle dixeron que Pilar Peña non tiña moito gancho para unha actriz e empezaron a chamala así.

Filla única, creceu no bar que os seus pais rexentaban. Ós catro anos de idade daba clases de ballet no Instituto da Danza de Barcelona; ós 17 acabou COU e marchou ó Centro Andaluz de Teatro en Sevilla;máis tarde foise a Madrid.

Motivada por Pedro Almodóvar, escribiu en 2001 a novela Pérez Príncipe, María Dolores.

Nominada ó Premio Goya varias veces, obtívoo en 2003 por "Te doy mis ojos" e en 2005 por "Princesas", o seu grande éxito.

Filmografía

• Princesas (2005)
• The Three Ages of the Crime (2005)
• ¡Hay motivo! (2004)
• Te doy mis ojos (2003)
• Descongélate! (2003)
• Torremolinos 73 (2003)
• Los muertos van deprisa (2003)
• No somos nadie (2002)
• Sin vergüenza (2001)
• Desaliñada (2001)
• Novios (1999)
• Todo sobre mi madre (1999)
• Insomnio (1998)
• ¿De qué se ríen las mujeres? (1997)
• Un, dos, tres, ¡Taxi! (1997)
• La celestina(1996)
• Boca a boca (1995)
• Hola, ¿estás sola? (1995)
• Días contados (1994)

Premios

Premios Goya

• Premio Goya á mellor interpretación feminina de reparto (2012) por Una pistola en cada mano.
• Premio Goya á mellor interpretación feminina protagonista (2005) por Princesas.
• Premio Goya á mellor interpretación feminina de reparto (2003) por Te doy mis ojos.
• Candidata ó Premio Goya á mellor interpretación feminina de reparto por Días contados (1994) e Todo sobre mi madre (1999).
• Candidata ó Premio Goya á mellor actriz revelación (1994).

Premios Fotogramas de Prata

• Mellor actriz de cine (2005)
• Candidata ó Premio de Mellor Actriz de Cine (2003).

Premios Ondas

• Mellor actriz de cine (2003)