Candea

Na Galipedia, a Wikipedia en galego.
Candea acesa.

Unha candea é unha fonte de iluminación consistente nunha mecha ou fía que sobe polo interior dunha barra de combustíbel sólido, como poden ser a cera ou a parafina.

Candea ou candela tamén pode tratarse dunha unidade de medida de intensidade de iluminación, que se abrevia cd, unha das sete básicas do Sistema Internacional (de etimoloxía latina, pois ben de candela[m]). En inglés diferéncianse actualmente con termos distintos (candle para a de cera e candela para a unidade), pero en galego (aínda que non semella estar establecido) poderíase usar a mesma forma para as dúas (como en italiano ou castelán, ou en inglés para un sistema de medidas anterior, onde se usaba candle para as dúas). Ademais, aínda que se podería criticar esta coincidencia por que non respectaría a denominación internacional, isto xa pasa no caso de quilómetro = km. De tódolos xeitos, véxase a información sobre a unidade de medida provisionalmente no artigo candela.