Camposancos, A Guarda
- Para outras páxinas con títulos homónimos véxase: Camposancos.
| Camposancos | |
|---|---|
 |
|
| Transbordador desde Camposancos (A Guarda), á esquerda, e Caminha (Portugal), á dereita. | |
| Concello | A Guarda |
| Área | - km² |
| Poboación | (Ano 2010) 1092 hab. |
| Densidade | - hab./km² |
| Entidades de poboación | 10 |
Santa Isabel de Camposancos é unha parroquia que se localiza no concello da Guarda. É unha das 9 entidades locais menores de Galiza. Segundo o padrón municipal de 2008 tiña 1.108 habitantes (529 homes e 579 mulleres), distribuídos en 9 entidades de poboación, o que supón un aumento continuado en relación aos anos 2004, cando tiña 987 habitantes, e 1999, con 913. Está situada á beira do río Miño, case na súa desembocadura no océano Atlántico.
Índice |
[editar] Historia
Etimoloxicamente, o topónimo Camposancos é de orixe latina e equivale a "Campos en ángulo"[Cómpre referencia].
Sábese que no lugar existiu un mosteiro templario do que non quedan restos a non ser as columnas aparecidas nunhas reformas. Camposancos erixiuse en parroquia independente en 1798. Antes de 1870, pertencía a Salcidos e este ó mosteiro de Oia. A igrexa parroquial de Santa Isabel comezou a construírse en 1816 e non se rematou ata 1856.
Separado do antigo Concello da Guarda, o couto medieval de Camposancos, que pertencía como anexo o partido xurisdicional de Barrantes, provincia de Tui, constitúese en concello propio pero en 1836 intégrase no territorio municipal da Guarda.
Camposancos ten a consideración de Entidade Local Menor desde o 23 de maio de 1925, o que lle permitiu ter o seu propio alcalde e un edificio oficial. Para levar a cabo calquera actuación en Camposancos, o concello da Guarda debía por lei informar á entidade local de tal actuación aínda que esta non tivese o poder de cancelala. A metade dos impostos que recadaba a localidade pasaban á Entidade Local.
Camposancos é coñecido polo Colexio dos Padres Xesuítas fundado en 1876 a escasos dous quilómetros da Guarda. Por primeira vez en España, os xesuítas intentaban instituír unha universidade privada, que finalmente só estaría en activo durante 5 anos. O colexio chegou a contar cun prestixio enorme ata o punto que del xurdirían dúas notables institucións como a Universidade de Deusto e a Universidade Pontificia de Comillas. Entre os alumnos avantaxados que saíron do colexio está o político pontevedrés Portela Valladares, que chegaría a ser ministro e presidente do goberno coa República. De 1916 a 1932 foi ocupado polos seus irmáns de relixión portugueses pero baixo o mandato da República, a orde dos xesuítas foi expulsada e o centro pasou a ser un sanatorio.
O recinto do Colexio dos Xesuítas convertido en hospital foi tristemente famoso por albergar durante a Guerra Civil Española o campo de concentración de Camposancos. Habilitado como centro de reclusión a finais de 1937, chegou a estar ocupado en 1938 por 1.066 reos cando a capacidade -segundo informe oficial do réxime franquista- era de 868 presos. As fontes diverxen en torno a poboación reclusa que pasou por el pero oscila entre os 2.000 e os 3.000 presos.
En 1943 volveu ser un centro de ensino dos xesuítas, aínda que non retornou ó esplendor doutrora e pechou as súas aulas en 1959.
Dada a súa privilexiada posición na foz do Miño, na actualidade existe un proxecto dunha construtora para converter o edificio nun complexo turístico de luxo.
[editar] Presente
A Comunidade de Montes Veciñais de Camposancos celebra desde hai anos unha festa gastronómica na que se enxalza a paleta e o lacón: a paletada-laconada de San Amaro.
A II Xuntanza de Palilleiras de Galicia celebrouse, nos salóns da Asociación “Os Amigos” de Camposancos, o 25 de xullo de 2006 a coa participación de 65 afeccionadas á arte do encaixe de palillos.
[editar] Política
Nas pasadas eleccións municipais de Camposancos, presentaronse PSdeG-PSOE e PP, obvtivendo:
- PSdeG-PSOE: 318 Votos
- PP : 250 Votos
- En branco : 19 Votos
- Nulos : 64 Votos
Rafael Álvarez Martínez (PSdeG-PSOE) segue sendo o Alcalde/Pedáneo dende 2004. Camposancos ten un censo de 903 persoas cun total de 651 votantes.
[editar] Lugares e parroquias
[editar] Lugares de Camposancos
| Lugares da parroquia de Camposancos no concello da Guarda (Pontevedra) | |
|---|---|
|
A Armona | Bouza da Fonte | O Couto | A Granxa | O Muíño | O Outeiro | Palomar | A Pasaxe | Sa | Salgueiró |
[editar] Parroquias da Guarda
| Galicia | Provincia de Pontevedra | Parroquias da Guarda | |
|---|---|
|
Camposancos (Santa Isabel) | A Guarda (Santa María) | Salcidos (San Lourenzo) |
