Campo da Pedreira
Coordenadas: 43°27′23″N 8°14′23″O / 43.4563, -8.23978
| A Pedreira | |
|---|---|
 | |
| Datos | |
| Localización | Meá, Mugardos Galicia |
| Construción | |
| Inauguración | 12 de agosto de 1972 |
| Estadio | |
| Superficie | Herba artificial |
| Dimensións | 103 x 63'5 |
| Capacidade | 2.000 |
| Localía | Galicia de Mugardos |
O Campo da Pedreira é un campo de fútbol situado na parroquia de Meá, e que é o feudo do Galicia de Mugardos.
Datos técnicos[editar | editar a fonte]
Cunha capacidade máxima para 2000 espectadores (1000 en tribuna e outros 1000 a pé de campo),[1] o recinto atópase situado na marxe esquerda da estrada que comunica Mugardos con Ferrol, no lugar da Pedreira, na parroquia mugardesa de Meá.
Historia[editar | editar a fonte]
O campo anterior do Galicia de Mugardos non estaba pechado e os vestiarios estaban moi afastados do terreo de xogo, polo que na década dos sesenta comeza a verse a necesidade da construción dun novo campo. A directiva daquela, presidida por Alfredo Díaz Bravo, adquiriu o campo e os traballos de construción fixéronse de forma mancomunada entre os veciños. Os traballos comezaron en 1968 e finalizaron en 1972. Os cartos necesarios para os materiais de construción foron fornecidos pola Federación Española de Fútbol (250.000 pesetas), a Deputación da Coruña (50.000), o concello de Mugardos (15.000) e os socios e socias do club coas súas achegas.
O estadio inaugurouse o 12 de agosto do 1972 cun encontro de fútbol entre o Deportivo da Coruña e o Racing de Ferrol.
Notas[editar | editar a fonte]
- ↑ Páxina oficial do SDC Galicia de Mugardos Arquivado 27 de xaneiro de 2013 en Wayback Machine. (en castelán)