Campionato portugués de rugby

O Campionato Portugués de Rugby é a liga de rugby de Portugal. A Divisão de Honra, chamada Campeonato Super Bock por razóns de patrocinio, é a máxima categoría sénior masculina. O torneo naceu na tempada 1958/59, e na actualidade conta con 10 equipos. O club máis laureado é o CDUL, que gañou 18 títulos, entre eles o da última edición.

Historia

A fudación da Federación Portuguesa de Rugby (FPR), o 23 de Setembro de 1957, e a toma de posesión dos Corpos Sociais da Federación polo seu socio fundador, a Asociación de Rugby de Lisboa (ARL), terminando deste xeito a súa actividade en Xullo de 1958, levaron a que a primeira edición do campionato portugués de rugby, chamado Campeonato de Portugal se realizase na tempada 1958-59; o campión foi o CF Os Belenenses. Nesa época, nove equipos sénior loitaran polo título, sendo catro universitarios e todos da rexión de Lisboa, coa excepción da AA Coimbra. Foi tamén nesa tempada na que tivo lugar a primeira edición da Copa de Portugal.

Novas categorías
Categorías	Idades	Ano de creación
Juniores	dos 17 aos 19 anos	1963
Xuvenís	dos 15 aos 16 anos	1964
Iniciados	dos 13 aos 14 anos	1969
Infantís	dos 11 aos 12 anos	1973
Benxamíns	dos 8 aos 10 anos	1988

Nas décadas dos anos '60 e '70, viviuse un grande crecemento na práctica do rugby en Portugal; os clubs universitarios eran cada vez máis, e a implantación do rugby cara ao Norte e cara ao Sur de Lisboa foron determinantes. Despois de 1974, coa Revolución dos caraveis, á par doutras modalidades deportivas, o rugby ten un grande crecemento debido á creación de categorías inferiores, que posibilitaron a prática deste deporte por parte dos máis xoves. En 1965, produciuse a primeira edición da Copa Ibérica que puña fronte a fronte aos campións e subcampións de Portugal e España.

Con todo, este crecemento coincidiu cun período, entre 1974 e 1979, no que os séniores deixaran de competir internacionalmente, atrasando o nível competitivo da modalidade no país luso. A aposta nas seleccións nacionais dos máis xoves, e o contacto con equipos semellantes do estranxeiro, formaran umha vasta gama de bos xogadores, que nas décadas de 1980 e 1990 contribuisen para unha mellora da calidade do rugby portugués.

A partir de 1990 o rugby entrou nunha fase menos boa da súa evolución en Portugal; os impulsos na modalidade, nos anos 70 polo Estado, e despois, nos anos '80, polas asociacións de rugby nacionais, deixaran de ser tan abundantes. O reducido número de praticantes (eran 2008 en 1995, dos cales un terzo eran séniores) atrasou moito o desenvolvemento. A pesares das dificultades, nese ano a creación do rugby feminino e unha posible profesionalización da modalidade, veñen darlle un novo alento ao rugby portugués.

Tempada actual

A partir da tempada 2012-13, o formato do torneo pasa a contar con 10 equipos e está composto por dúas fases. A primeira consiste nunha liga regular de 20 xornadas na que cada equipo xoga contra todos dúas veces, unha como local e outra como visitante. Trala liga regular dispútanse as eliminatorias finais. Os 2 primeiros equipos da táboa clasificatoria disputan directamente as semifinais polo título. Os equipos que rematan entre as posicións 3ª e 6ª tamén disputan o título, pero comezan cunha eliminatoria de cuartos de final. Por outra banda, os 4 últimos clasificados da táboa disputan as eliminatorias pola permanencia, tralas que ten que descender un equipo.

Campeonato Super Bock — Tempada 2012/13
Posto	Equipo	Puntos	Xogados	Gañ.	Emp.	Per.	BO	BD
1º	CDUL	73	18	15	1	2	9	2
2º	Belenenses	60	18	12	1	5	7	3
3º	Direito	60	18	13	0	5	7	1
4º	Agronomia	54	18	11	0	7	6	4
5º	CDUP	48	18	10	1	7	4	2
6º	Académica	46	18	10	0	8	3	3
7º	Técnico	41	18	8	1	9	4	3
8º	Cascais	23	18	5	0	13	1	2
9º	CRAV	19	18	4	0	14	1	2
10º	Benfica	0	18	0	0	18	0	0
Cada encontro gañado (Gañ.) supón 4 puntos para a clasificación, e cada empate (Emp.) outros 2. Os puntos bonus ofensivos acádanse cada vez que un equipo anota 4 ensaios ou máis nun encontro, mentres que os puntos bonus defensivos acádanse cando o equipo perde un encontro por 7 puntos de diferenza ou menos. Estes puntos bonus engádense ós acadados polas vitorias ou empates. En azul      as posicións que clasifican para semifinais (1º e 2º). En verde      as posicións que clasifican para cuartos de final (3º, 4º, 5º e 6º). En rosa      as posicións de promoción de permanencia (7º, 8º, 9º e 10º).

Eliminatorias polo título

	Cuartos de Final				Semifinais				Final
	No campo do 4º				No campo do 2º				Campo neutral
					[2º]	-
	[4º]	-
					Gañador [4º] vs [5º]	-
	[5º]	-
					No campo do 1º				-	-
	No campo do 3º
									-	-
	[3º]	-
					Gañador [3º] vs [6º]	-
	[6º]	-
					[1º]	-

Eliminatorias pola permanencia

	Semifinais				Final
	No campo do 7º
	[7º]	-
	[10º]	-
					Campo neutral
					Perdedor [7º] vs [10º]	-
					Perdedor [8º] vs [9º]	-
	No campo do 8º
	[8º]	-
	[9º]	-

Campións

Campionato Portugués Tempada Campión 2011-12 CDUL 2010-11 Direito 2009-10 Direito 2008-09 Direito 2007-08 Belenenses 2006-07 Agronomia 2005-06 Direito 2004-05 Direito 2003-04 Académica 2002-03 Belenenses 2001-02 Direito 2000-01 Benfica 1999-00 Direito 1998-99 Direito 1997-98 Técnico 1996-97 Académica 1995-96 Cascais 1994-95 Cascais 1993-94 Cascais 1992-93 Cascais 1991-92 Cascais 1990-91 Benfica 1989-90 CDUL 1988-89 CDUL 1987-88 Benfica 1986-87 Cascais 1985-86 Benfica 1984-85 CDUL 1983-84 CDUL 1982-83 CDUL 1981-82 CDUL 1980-81 Técnico 1979-80 CDUL 1978-79 Académica 1977-78 CDUL 1976-77 Académica 1975-76 Benfica 1974-75 Belenenses 1973-74 CDUL 1972-73 Belenenses 1971-72 CDUL 1970-71 CDUL 1969-70 Benfica 1968-69 CDUL 1967-68 CDUL 1966-67 CDUL 1965-66 CDUL 1964-65 CDUL 1963-64 CDUL 1962-63 Belenenses 1961-62 Benfica 1960-61 Benfica 1959-60 Benfica 1958-59 Belenenses

Palmarés: Club Títulos CDUL 18 Benfica 9 Direito 8 Belenenses 6 Cascais 6 Académica 4 Técnico 2 Agronomia 1

Véxase tamén

Ligazóns externas

• División de Honra na www.fpr.pt. (en portugués)
• Historia do rugby en Portugal. (en portugués)

Outros artigos

• Selección de rugby de Portugal
• Copa de Portugal
• Supercopa de Portugal
• Copa Ibérica