Camisas negras

Na Galipedia, a Wikipedia en galego.
National Fascist Party logo.svg

A Milicia Voluntaria para a Seguridade Nacional, popularmente coñecidos coma Camisas negras (en italiano: Camicie nere) debido á cor do seu uniforme, foi un corpo paramilitar da Italia fascista. Os seus membros tamén foron coñecidos como escuadristas (en italiano: squadristi). Probablemente inspirados polos camisas vermellas de Garibaldi, a súa actividade enmárcase dende o período de entreguerras ata o final da Segunda Guerra Mundial. O termo aplicouse a distintos grupos que imitaron o uniforme, como os blackshirts da Unión Británica de Fascistas e os SS do partido nazi alemán.