Call of Duty: World at War

Na Galipedia, a Wikipedia en galego.

Call of Duty: World at War é a quinta entrega principal da serie Call of Duty. Programado por Treyarch e distribuído por Activision, sitúanos na fronte xaponesa da Segunda Guerra Mundial. World at War foi o retorno de Call of Duty a esta contenda tras Call of Duty 4: Modern Warfare. Comparte co seu predecesor o motor gráfico e diversos recursos técnicos. Foi lanzado en novembro de 2008 para Playstation 2, Playstation 3, Xbox 360, Wii e PC Windows. Posteriormente púxose á venda unha versión para Nintendo DS, que ao igual ca de PS2, difire en diversos aspectos. As versións de PS3, Xbox 360, PC e Wii céntranse en diversas batallas no Pacífico e da fronte oriental, nas que interveñen tropas da Alemaña Nazi, dos Estados Unidos, do Imperio Xaponés e da Unión Soviética. Ademais do modo de un xogador, inclúe un multixogador coperativo e un multixogador competitivo en liña, con varios modos de xogo. Parte das funcións en liña foron deseñadas por Certain Affinity.

Argumento[editar | editar a fonte]

O xogo comenza en 1942, na illa de Makin, onde un grupo de prisioneiros norteamericanos están sendo torturados e mutilados por tropas niponas. Parte dos soldados son rescatados e a acción salta a dous anos despois, á batalla de Peleliu. A continuación, sucédense varios saltos, que non corresponden coa liña temporal real. Así, o xogo incluía combates en Stalingrado, nas beiras do río Volga, e na propia Berlín.

Diferenzas de versións[editar | editar a fonte]

As versións de Xbox 360, Playstation 3 e PC Windows contan cun apartado técnico moi semellante e unha xogabilidade case igual. A versión de Wii prioriza o control sobre o apartado técnico. As versións de PS2 e Nintendo DS posúen uns gráficos menores, debido ás especificacións técnicas inferiores de ambas as dúas máquinas fronte ás primeiras. Ademais, difiren na liña argumental e escenarios presentes.

Recepción e crítica[editar | editar a fonte]

En xeral, foi ben acollido pola prensa e público, acadando un 85 para PS3 [1], un 83 para PC [2] e un 84 para Xbox 360 [3]

Vendas[editar | editar a fonte]

A versión de Xbox 360 logrou vender máis de 6 millóns de copias [4]. A de PS3 superou os 3 millóns [5].

Notas[editar | editar a fonte]

  1. http://www.metacritic.com/games/platforms/ps3/callofdutyworldatwar
  2. http://www.metacritic.com/games/platforms/pc/callofdutyworldatwar
  3. http://www.metacritic.com/games/platforms/xbox360/callofdutyworldatwar
  4. http://www.vgchartz.com/games/game.php?id=23992&region=All
  5. http://www.vgchartz.com/games/game.php?id=23993&region=All