Calendula officinalis

Asociación benéfica: a caléndula protexe os tomates dos ataques parasitarios.

Calendula officinalis, coñecida como caléndula, é unha planta do xénero Calendula. Era usada na Grecia, Roma, Arabia e India antigas como planta medicinal, como corante téxtil, corante alimentario e en cosméticos.

As follas e pétalos da caléndula son comestíbeis, de modo que os pétalos se adicionan aos pratos como guarnición en substitución do azafrán. As follas poden ser doces mais son xeralmente amargas, e poden usarse nas ensaladas.

Tratase dunha planta bastante cultivada e crece facilmente en lugares soalleiros na maioria dos solos.

Farmacoloxía

A Calendula officinalis úsase no tratamento de problemas da pel e da dor, como bactericida, antiséptico e anti-inflamatorio. Os pétalos e o pole conteñen ésteres triterpenoides (anti-inflamatorio) e os carotenoides flavoxantina e auroxantina (antioxidantes e orixe da coloración amarelo-laranxa). As follas e os caules conteñen outros carotenoides, sobre todo luteína (80%) e zeaxantina (5%) e betacaroteno. Os extractos da planta tamén son moi usados nos cosméticos, presumibelmente debido à presenza de compostos como saponinas, resinas e aceites esenciais.

A Calendula officinalis é unha planta que, desde 2009, foi recoñecida polo Ministerio da Saúde do Brasil como posuidora de propiedades fitoterápicas.

Alén diso, a caléndula está presente na fórmula dalgúns xampús para cabelos claros, pois sabese que o extrato desa planta contén, así como a camomila e a macela, un pigmento amarelo responsábel por acentuar a cor dos cabelos de tons castaño claro a louro dándolles reflexos dourados de forma natural e gradual.

Galería

• Calendula officinalis
• 

  Flor da C. Officinalis.

• 

  Flor da C. Officinalis.

• 

  Flor da C. Officinalis.

• 

Ligazóns externas

• National Institutes of Health Calendula (HTML). Herbs and Supplements.
• Calendula officinalis - L. (HTML). Plants For A Future (June 2004).